నెట్ ప్లిక్స్, వార్నర్ బ్రదర్స్ డీల్ ఎవరికి లాభం?

నెట్‌ఫ్లిక్స్‌ అనే పేరు వినగానే మనకి గుర్తొచ్చేది — బ్లాక్ స్క్రీన్‌పై ఎర్ర అక్షరాలు, హోం స్క్రీన్‌లో ఎప్పుడూ కొత్త షోలు, ప్రపంచం నలుమూలల నుంచి కంటెంట్. కానీ చాలా కాలం పాటు ఈ సంస్థకి సొంత లైబ్రరీ లేదు, సొంత స్టూడియో లేదు. ఇతరుల వద్ద ఉన్న సినిమాలు అద్దెకు తీసుకుని చూపుతూ మొదలైంది. తర్వాత ఒరిజినల్స్‌తో రేసులో ముందుకు దూసుకెళ్లింది.

నెట్ ప్లిక్స్ నిజ స్వరూపం

చాలా మంది Netflixను కేవలం స్ట్రీమింగ్ ప్లాట్‌ఫాంగా చూస్తారు. కానీ నిజానికి Netflix ఒక టెక్ కంపెనీ, ఒక డేటా కంపెనీ, ముఖ్యంగా యూజర్ ప్రవర్తనను చదివే అనలిటిక్స్ మెషిన్. ఎవరు ఏమి చూస్తారు, ఏ సెకనులో బోర్ అవుతారు, ఎక్కడ pause చేస్తారు — అన్నిటినీ Netflix పిన్ పాయింట్‌గా తెలుసుకుంటుంది. అందుకే ఇది కంటెంట్ తయారు చేసే సంస్థ కాదు, కంటెంట్ వినియోగం ఎలా జరుగుతుందో అర్థం చేసుకునే సంస్థ. అదే దాని మహా శక్తి.

కానీ ఇప్పుడు పెద్ద మార్పు జరిగింది. హాలివుడ్ హిస్టరీలోనే భారీ బాంబ్ పేలింది. Netflix, Warner Bros Discovery స్టూడియోలు, స్ట్రీమింగ్ యూనిట్‌ను కొనుగోలు చేసే డీల్ కుదుర్చుకుంది. ఈ డీల్ విలువే షాక్ — $72 బిలియన్, అంటే సుమారు ₹6.47 లక్షల కోట్లు!

ఇంత పెద్ద మొత్తంలో డీల్ మొదటిసారి స్ట్రీమింగ్ యూనిట్‌ను నేరుగా హాలివుడ్ స్టూడియోతో లింక్ చేసింది. హాలివుడ్ పుస్తకాలు తిరగబోయే రోజు అదే రోజు.

ఈ డీల్ వెనుక ఉన్న కథ ఏమిటి? ఎవరు లాభపడుతున్నారు?

Warner Bros Discovery అనేది కేవలం ఒక స్టూడియో కాదు — ఇది ఒక మూవీ రాజ్యము. Harry Potter, Lord of the Rings, The Matrix, Friends, The Sopranos, Game of Thrones, The Batman, Joker, DC Universe… ఇవన్నీ కేవలం సినిమాలు కాదు, పూర్తి సంస్కృతిని మార్చిన ఫ్రాంచైజీలు.

కానీ గత కొన్నేళ్లలో స్ట్రీమింగ్ యుద్ధం పెరిగిపోయింది. సబ్‌స్క్రిప్షన్లు తగ్గాయి, ఖర్చులు పెరిగాయి. WBDకి లాభాలు తగ్గాయి. కంపెనీ రీస్ట్రక్చర్ చేయాల్సిన పరిస్థితికి వచ్చింది. అందుకే ఒక నిర్ణయం తీసుకుంది — స్టూడియోలు మరియు స్ట్రీమింగ్ యూనిట్‌ను వేరు చేయాలి, వాటిని అమ్మాలి. ఇదే సమయంలో Netflix అడుగుపెట్టింది.

Netflix ఇప్పటికే ప్రపంచ ప్రేక్షకుల మీద డామినేషన్ ఉంది. కానీ Netflix దగ్గర బలమైన లైబ్రరీ లేదు. హిట్ కథల గుడిసె లేదు. ఇతరుల కంటెంట్ అద్దెపైన ఆధారపడాల్సి వచ్చింది. ఒక దశలో Netflix ఎదుగుదల ఆగిపోయినట్లు అనిపించింది. ఈ డీల్ Netflixకి కావాల్సినది ఇచ్చింది: సొంత IP. ఇప్పటివరకు Netflixకి కంటెంట్ సప్లయర్లు ఉండేవారు. ఇకపై Netflix స్వయంగా కంటెంట్ సోర్స్. వేలాది సినిమాలు, సిరీస్‌లు, హిట్ ఫ్రాంచైజీలు — అన్నీ Netflix చేతుల్లోకి వచ్చాయి.

అదే కాదు — HBO నెట్‌వర్క్ హక్కులు కూడా Netflixకి వస్తాయి. ఇక్కడే గేమ్ మారింది. ఇప్పుడు కంటెంట్ క్రియేషన్ నుంచి స్ట్రీమింగ్ వరకూ మొత్తం చైన్ Netflix చేతుల్లో ఉంటుంది. ఇది కేవలం బిజినెస్ కాదు — ఇది పవర్ ట్రాన్స్ఫర్.

* నెట్ ప్లిక్స్ నిజమైన లాభం ఇంకెక్కడుంది?

సినిమాలు కాదు, సిరీస్‌లు కాదు — Intellectual Property. Harry Potter అంటే సినిమా మాత్రమే కాదు — థీమ్ పార్కులు, గేమ్స్, మర్చండైజ్, స్పిన్ ఆఫ్స్, ప్రీక్వెల్స్, సీక్వెల్స్, స్టేజి షోలు. ఈ IPలు దశాబ్దాల పాటు డబ్బు తెస్తాయి. Netflix వీటిని రీబూట్ చేయవచ్చు, కొత్త కథలు చేయవచ్చు, స్పిన్ ఆఫ్స్ తయారు చేయవచ్చు, గేమింగ్, యానిమేషన్, థియేటర్, web series formatలుగా మార్చవచ్చు. ఇది ఒక బంగారు గని.

Warner Bros కి ఏం లాభం

Warner Bros వారు heavyweight legacy ని Netflixకి అప్పగించారు. తాము తమ బలం కేబుల్ నెట్‌వర్క్, న్యూస్, స్పోర్ట్స్ మీద పెట్టుకోబోతున్నారు. CNN, TBS, TNT వంటి చానళ్లపై ఫోకస్ పెంచడానికి అవకాశం వచ్చింది. ఆర్థికంగా రిలీఫ్, షేర్ హోల్డర్లకు విలువ, కంపెనీకి కొత్త దిశ — ఇవన్నీ ఈ డీల్ ఇచ్చిన బోనస్.

* హాలివుడ్ ఇక మునుపటి హాలివుడ్ కాదు

ఇప్పటి వరకు హాలివుడ్ రూల్స్ ఇలా ఉన్నాయి: స్టూడియోలు సినిమాలు చేస్తారు, స్ట్రీమింగ్ సంస్థలు వాటిని చూపిస్తాయి. కానీ ఇప్పుడు ఒక కొత్త రూల్ వచ్చింది — స్ట్రీమింగ్ ప్లాట్‌ఫాం → స్టూడియో యజమాని. ఒకే కంపెనీ కంటెంట్ తయారు చేస్తుంది, విడుదల చేస్తుంది, స్ట్రీమ్ చేస్తుంది. ఇది చరిత్రలోనే మొదటిసారి.

ఈ డీల్ ఒక పెద్ద సందేశం చెప్పింది:

కంటెంటే కింగ్ కాదు.

కంటెంట్ ఎవరి దగ్గర ఉంటుందో వాళ్లే కింగ్

Netflix ఇప్పటి వరకు స్ట్రీమింగ్ రాజు.

ఇకపై ఇది కథల రాజు, మార్కెట్ రాజు, హాలివుడ్ రాజు.

ఎవరికి నష్టం

Disney+, Amazon Prime Video, Apple TV+, Paramount, Universal — వీరందరూ ఒక్కసారిగా తప్పిపోయినట్లు ఫీల్ అవుతున్నారు. ఇక పోటీ platform vs platform కాదు. ఇది స్వంత కథలున్న వారు vs అద్దె కథలున్న వారు.

హాలివుడ్ ఇక మునుపటి హాలివుడ్ కాదు.

ఇకపై అది — Netflix యుగం.

ఈ రోజు నుండి ఒక కొత్త అధ్యాయం మొదలైంది.