ఆ హీరోలు 'నో' చెప్పబట్టే పండుగాడు వచ్చాడు!

తెలుగు సినిమా చరిత్రలో కొన్ని సినిమాలు రికార్డుల కోసం వస్తే, మరికొన్ని సినిమాలు చరిత్రను తిరగరాయడానికి వస్తాయి. అలాంటి సెన్సేషనే 'పోకిరి'. సరిగ్గా ఇరవై సంవత్సరాల క్రితం ఏప్రిల్ 28 బాక్సాఫీస్ కు సునామి వచ్చింది. ఈ సినిమా కలెక్షన్స్ , రికార్డ్ లు అందరికీ తెలిసినవే. అయితే ఈ వెండితెర అద్భుతం వెనుక మనకు తెలియని ఎన్నో షాకింగ్ నిజాలు ఉన్నాయి. సూపర్ స్టార్ మహేష్ బాబును ఇండస్ట్రీ నంబర్ వన్ రేసులో నిలబెట్టిన ఈ కథ, నిజానికి ఆయన కోసం రాసింది కాదంటే నమ్ముతారా? ఈ పవర్ ఫుల్ స్క్రిప్ట్‌ను ఏకంగా ముగ్గురు స్టార్ హీరోలు రిజెక్ట్ చేశారనే వార్త ఇప్పుడు నెట్టింట వైరల్ అవుతోంది.

పవన్ కళ్యాణ్ నో చెప్పారు.. ఇండస్ట్రీ షేక్ అయ్యే ఛాన్స్ మిస్!

'బద్రి' లాంటి బ్లాక్ బస్టర్ తర్వాత పూరీ జగన్నాథ్ మీద అమితమైన నమ్మకంతో ఉన్న పవన్ కళ్యాణ్ దగ్గరకు ఈ కథ మొదట వెళ్ళింది. కానీ, ఏ కారణం చేతో పవన్ ఈ స్క్రిప్ట్‌కు 'నో' చెప్పారు. ఒకవేళ ఆనాడు పవన్ ఉన్న క్రేజ్‌కి 'పండుగాడు' క్యారెక్టర్ పడి ఉంటే, టాలీవుడ్ బాక్సాఫీస్ లెక్కలు మరోలా ఉండేవని అప్పట్లో ఫ్యాన్స్ గుసగుసలాడుకున్నారు. పవన్ తీసుకున్న ఆ ఒక్క నిర్ణయం, ఒక అతిపెద్ద ఇండస్ట్రీ హిట్‌ని ఆయనకు దూరం చేసింది.

రవితేజ బ్యాడ్ లక్.. ఒక ఫెయిల్యూర్ కోసం ఇండస్ట్రీ హిట్ త్యాగం!

నిజానికి 'పోకిరి' కథకు పూరీ మొదట అనుకున్న పేరు "ఉత్తమ్ సింగ్ సన్నాఫ్ సూర్యనారాయణ". ఈ కథ వినగానే మాస్ మహారాజా రవితేజ ఫుల్ ఎగ్జైట్ అయ్యి గ్రీన్ సిగ్నల్ ఇచ్చేశారు. కానీ, సరిగ్గా అదే సమయంలో 'నా ఆటోగ్రాఫ్' అనే రీమేక్ సినిమా మీద మనసు పారేసుకున్న రవితేజ, పూరీ ప్రాజెక్టును పక్కన పెట్టారు. ఆ తర్వాత ఎన్ని ప్రయత్నాలు చేసినా వీరిద్దరి కాంబోలో ఈ సినిమా సెట్ అవ్వలేదు. ఒక యావరేజ్ సినిమా కోసం చరిత్ర సృష్టించాల్సిన సినిమాను రవితేజ వదులుకోవడం నిజంగా బ్యాడ్ లక్ అనే చెప్పాలి.

సోనూ సూద్ నుంచి మహేష్ వరకు.. మారిన రాత!

హీరోలు దొరక్కపోవడంతో పూరీ జగన్నాథ్ ఏకంగా బాలీవుడ్ నటుడు సోనూ సూద్‌తో ఈ సినిమా చేయాలనుకున్నారు. కానీ అది కూడా వర్కౌట్ కాలేదు. ఫైనల్‌గా ఈ కథ మహేష్ బాబు దగ్గరకు చేరింది. మహేష్ ఈ స్క్రిప్ట్‌లోని దమ్మును గుర్తించి, కొన్ని మార్పులు సూచించి స్వయంగా నిర్మాణ భాగస్వామిగా మారారు. కేవలం 12 కోట్లతో తెరకెక్కిన ఈ సినిమా, అప్పట్లోనే 70 కోట్ల గ్రాస్ వసూలు చేసి సౌత్ ఇండియాను షేక్ చేసింది. మహేష్ బాబుని ఓవర్ నైట్ గ్లోబల్ స్టార్‌ని చేసేసింది.

సైలెన్స్ అంటే భయం.. బాడీ లాంగ్వేజ్ అంటే అది!

సినిమా అంటే భారీ సెట్లు, వందల మంది జనాలు కాదు.. కేవలం ఒక్క మనిషి ఫ్రేమ్‌లో నిలబడితే చాలు అని మహేష్ బాబు 'పోకిరి'తో నిరూపించారు. పూరీ జగన్నాథ్ కలం నుండి జాలువారిన పదునైన డైలాగులు, మణిశర్మ అందించిన ఎలక్ట్రిక్ మ్యూజిక్ ఒక ఎత్తైతే, ఆ సినిమాలో మహేష్ నడక, ఆ చూపు, ఆ యాటిట్యూడ్ మరొక ఎత్తు. అతిగా అరవకుండా, మేనరిజమ్స్ తోనే మ్యాజిక్ చేయవచ్చని నేర్పిన పాఠం ఈ సినిమా.

రీమేక్ లు విఫలమైన చోట.. ఒరిజినల్ మ్యాజిక్!

హిందీలో సల్మాన్ ఖాన్, తమిళంలో విజయ్ లాంటి స్టార్ హీరోలు ఈ కథను రీమేక్ చేసినా, మహేష్ బాబు పండించిన ఆ 'ఈజ్' ని ఎవరూ టచ్ చేయలేకపోయారు. అందుకే అది ఒక క్లాసిక్ అయింది. పోకిరి అంటే కేవలం కథ కాదు, అది ఒక ఎమోషన్. ప్రతి ఫ్రేమ్ లో మహేష్ బాబు కనిపించే తీరు, ముఖ్యంగా ఆ ఇంటర్వెల్ ట్విస్ట్.. ఇవన్నీ రెండు దశాబ్దాల తర్వాత కూడా ప్రేక్షకులను సీట్లో కూర్చోనివ్వవు.

4K విధ్వంసం.. ఆగస్టులో థియేటర్లు షేక్!

చాలా కాలంగా పెండింగ్‌లో ఉన్న ఈ 4K రీ-రిలీజ్ ఇప్పుడు ఫైనల్ అయింది. గతంలో కొన్ని ఆర్థిక కారణాల వల్ల ఆగిపోయినా, ఇప్పుడు 2026 ఆగస్టులో ప్రపంచవ్యాప్తంగా గ్రాండ్‌గా రిలీజ్ చేయబోతున్నారు. ఇప్పటివరకు వచ్చిన రీ-రిలీజ్ రికార్డులన్నీ ఈ సినిమాతో తుడిచిపెట్టుకుపోవడం ఖాయం అని ట్రేడ్ వర్గాలు అంటున్నాయి. నాటి మాస్ జ్ఞాపకాలను మళ్లీ బిగ్ స్క్రీన్ పై చూడడానికి ఫ్యాన్స్ కౌంట్ డౌన్ మొదలుపెట్టేశారు.

రాజమౌళితో 'వారణాసి'.. ఇప్పుడు గ్లోబల్ టార్గెట్!

అప్పట్లో 'పోకిరి'తో టాలీవుడ్ రికార్డులను తిరగరాసిన మహేష్ బాబు, ఇప్పుడు దర్శకధీరుడు రాజమౌళి దర్శకత్వంలో 'వారణాసి' (SSMB29) తో అంతర్జాతీయ స్థాయికి వెళ్తున్నారు. మైథాలజీ, సైన్స్ ఫిక్షన్, టైమ్ ట్రావెల్ కలయికలో వస్తున్న ఈ చిత్రంలో ప్రియాంక చోప్రా, పృథ్వీరాజ్ సుకుమారన్ వంటి భారీ తారాగణం నటిస్తున్నారు. వచ్చే ఏడాది విడుదల కానున్న ఈ సినిమాతో మహేష్ రేంజ్ ఎక్కడికో వెళ్ళబోతోంది.

అనాడు పవన్, రవితేజ వదులుకున్న ఆ ఒక్క అవకాశం.. నేడు మహేష్ బాబును ప్రపంచ యవనికపై నిలబెట్టింది. దీన్నే అంటారు 'సినిమా రాత' అని! మరి ఈ విషయంలో మీ అభిప్రాయం ఏంటి? పవన్ కానీ రవితేజ ఈ సినిమా చేసి ఉంటే బాగుండేది అని ఎప్పుడైనా అనిపించిందా? కింద కామెంట్స్ లో చెప్పండి!