ఇరాన్ తో యుద్ధంలో 37 బిలియన్ డాలర్లు ఖర్చు

ఇరాన్ తో జరుగుతున్న యుద్ధంలో అమెరికా 37. 5 బిలియన్ డాలర్లు ఖర్చు చేసినట్లు రక్షణ మంత్రి పీట్ హెగ్సేత్ పేర్కొన్నారు. మరో 95 బిలియన్ డాలర్ల మేర అంచనాలు ఉన్నాయని చెప్పారు. మంగళవారం సెనెట్ అప్రోప్రియేషన్స్ కమిటీ విచారణ సందర్భంగా హెగ్సెత్ వివరించారు.

రెండో విడత యుద్ధం ప్రారంభమైన తరువాత ఇప్పటి వరకూ ముగ్గురు అమెరికన్ సైనికులు మరణించారని, మొత్తంగా మృతుల సంఖ్య 17 చేరుకుందని చెప్పారు. యుద్ధం ఆరంభం నుంచి దాదాపు వందమంది గాయపడినట్లు తెలిపారు. ఈ విచారణ సందర్భంగా తీవ్రవాదోపవాదాలు, గందరగోళం నెలకొంది. రిపబ్లికన్లు, డెమోక్రాట్లు మద్దతుదారులు నినాదాలతో హోరెత్తించారు. దీనితో చాలాసేపు విచారణకు అంతరాయం కలిగింది.