లాహోర్ లో ‘లష్కర్ ఏ తోయిబా’ సహ వ్యవస్థాపకుడి కాల్చివేత

పాకిస్తాన్ లో గుర్తు తెలియని గన్ మెన్ ల హల్ చల్ కొనసాగుతోంది. ఇప్పటి వరకూ పదుల సంఖ్యలో భారత వ్యతిరేక ఉగ్రవాదులను పైకి పంపిన ‘ధురందర్’ లు, తాజాగా ఎల్ఈటీ సహ వ్యవస్థాపకుడు అమీర్ హమ్జాపై కాల్పులు జరిపారు.

లాహోర్ లో గుర్తు తెలియని వ్యక్తులు కాల్పులు జరిపి వెళ్లిపోయినట్లు వార్తలు అందుతున్నాయి. ప్రస్తుతం హమ్జా ఆసుపత్రిలో చికిత్స పొందుతున్నారు. ఆయన పరిస్థితి విషమంగా ఉన్నట్లు సమాచారం. అందుబాటులో ఉన్న సమాచారం ప్రకారం, లాహోర్‌లోని ఒక న్యూస్ ఛానల్ కార్యాలయం బయట గుర్తుతెలియని దుండగులు హమ్జాపై కాల్పులు జరిపారు.