పాకిస్తాన్: పైకప్పు కూలి 30 మంది విద్యార్థుల మృతి
ఖైబర్ ఫఖ్తూన్ ఖ్వా రాజధాని పెషావర్ లో ఘటన
పాకిస్తాన్ లోని ఖైబర్ ఫఖ్తూన్ ఖ్వా ప్రావిన్స్ రాజధాని అయిన పెషావర్ లో ఘోరం జరిగింది. ఓ ప్రైవేట్ పాఠశాల పైకప్పు కూలిపోవడంతో కనీసం 30 మంది విద్యార్థులు మరణించారు. కనీసం 40 మంది పైగా విద్యార్థులు గాయపడ్డారని తేలింది. ఈ ప్రమాదంలో కనీసం ఒక ఉపాధ్యాయుడు మరణించాడని తేలింది. ఈ సంఘటన నగరంలోని దిర్ కాలనీలో జరిగిందని పెషావర్ రాజధాని నగర పోలీస్ చీఫ్ మియాన్ సయీద్ తెలిపారు. పాఠశాల యజమానిని అరెస్ట్ చేశారని ఆయన చెప్పారు.
లేడీ రీడింగ్ ఆస్పత్రి ప్రతినిధి మొహమ్మద్ అసిమ్ ప్రకారం.. ఈ ఘటనలో ఆరుగురు బాలికలు, ఒక మహిళా ఉపాధ్యాయురాలితో సహ 28 మంది విద్యార్థులు మరణించారు.
గాయపడిన వారికి చికిత్స అందించేందుకు ఆసుపత్రిలో అత్యవసర పరిస్థితిని ప్రకటించారని, ఈ ఘటనలో మరణించిన పిల్లలందరి వయస్సు 13 ఏళ్లు లేదా అంతకంటే తక్కువేనని అసిమ్ తెలిపారు. పెషావర్ డిప్యూటీ కమిషనర్ అఫాక్ వజీర్ భవనం కూలిపోయిన ఘటనపై విచారణకు ఆదేశించారు.
సహాయక బృందాలు శిథిలాలను తొలగిస్తూ కూలిపోయిన కట్టడం కింద ఇంకా చిక్కుకుని ఉండవచ్చని భావిస్తున్న పిల్లలు, పాఠశాల సిబ్బంది కోసం గాలిస్తున్నారు. ఈ ప్రమాదంలో ప్రాణాలు కోల్పోవడం పట్ల ప్రధానమంత్రి షెహబాజ్ షరీఫ్ తీవ్ర విచారం వ్యక్తం చేశారు.
మృతుల కుటుంబాలకు తన ప్రగాఢ సానుభూతి తెలిపారు. గాయపడిన వారు త్వరగా కోలుకోవాలని ఆయన ప్రార్థించడంతో పాటు, వారికి సాధ్యమైనంత ఉత్తమ వైద్య చికిత్స అందించాలని సంబంధిత అధికారులను ఆదేశించారు. పైకప్పు కూలిపోవడంపై గవర్నర్ ఫైసల్ కరీం నుంచి కూడా విచారణ వ్యక్తం చేశారు.
Next Story