నేనే ఏసుక్రీస్తును అంటూ వైట్ హౌజ్ వద్ద కాల్పులు

వైట్ హౌజ్ సమయంలో మరోసారి కాల్పుల కలకలం రేగింది. శనివారం సాయంత్రం ముగ్గురు అధికారులపై కాల్పులు జరిపిన వ్యక్తి, సీక్రెట్ సర్వీస్ ఏజెంట్లు జరిపిన ఎదురుకాల్పుల్లో మరణించాడు. కాల్పుల్లో మరణించిన నిందితుడిని, మేరీల్యాండ్‌కు చెందిన 21 ఏళ్ల నసీర్ బెస్ట్‌గా పోలీసులు గుర్తించారు.

అతనికి మానసిక అనారోగ్యం ఉన్నట్లు, అలాగే గతంలో ఆ ప్రాంగణంలో భద్రతా నిబంధనలను ఉల్లంఘించినట్లు ఆధారాలు ఉన్నాయి. మీడియా నివేదికల ప్రకారం, జూలై 10, 2025న, వైట్ హౌస్ పాదచారుల నియంత్రణ కేంద్రాన్ని నిబంధనలకు విరుద్దంగా దాటాడంతో పోలీసులు అరెస్ట్ చేశారు. ఆ సమయంలో తాను ఏసుక్రీస్తు అవతారం అని మీడియా ఎదుట వాదించాడు.