‘‘ప్రతి దేశంలోనూ పనికిమాలిన వాళ్లు ఉంటారు’’

భారత్ సహ ప్రపంచంలోని వివిధ జాతి ప్రజలపై అమెరికా లో కొంతమంది చేస్తున్న జాతి వివక్ష వ్యాఖ్యలపై ఆ దేశ విదేశాంగ కార్యదర్శి మార్కో రూబియో స్పందించారు. అది అమెరికా సహజ లక్షణం కాదని చెప్పారు. పక్షపాతం, అజ్ఞానం అనేవి ప్రపంచవ్యాప్తంగా ఉన్న సమస్యలని, వాటిని ఒక దేశం మొత్తాన్ని ఒకే గాటన కట్టడానికి ఉపయోగించకూడదని ఆయన అన్నారు.

ఇరు దేశాల మధ్య ప్రతినిధి బృందాల స్థాయి చర్చల అనంతరం న్యూఢిల్లీలో భారత విదేశాంగ మంత్రి ఎస్. జైశంకర్‌తో కలిసి నిర్వహించిన సంయుక్త మీడియా సమావేశంలో రూబియో ఈ వ్యాఖ్యలు చేశారు. అమెరికాలో భారతీయ సంతతికి చెందిన వారిపై ఇటీవల జరిగిన జాత్యహంకార ఘటనలు, దాడుల గురించి ఒక విలేకరి రూబియోను ప్రశ్నించడంతో ఈ విషయం వెలుగులోకి వచ్చింది.