ఇటలీలో ఇద్దరు సిక్కు యువకుల కాల్చివేత

ఇటలీ లో నివసిస్తున్న ఇద్దరు సిక్కులను గుర్తు తెలియని వ్యక్తులు కాల్చి చంపారు. వైశాఖీ పండగ సందర్భంగా గురుద్వారాలో ప్రార్థన పూర్తయి బయటకు వస్తున్న వారిని తుపాకీతో కాల్చారు. సంఘటన స్థలంలో దాదాపు పది ఖాళీ తూటాలు లభించినట్లు పోలీసులు తెలిపారు.

కాల్పులు జరిపిన వ్యక్తిని కూడా భారతీయ మూలానికి చెందిన వ్యక్తే అని ప్రత్యక్ష సాక్షులు తెలిపారు. రెండు సిక్కు వర్గాలకు చెందిన వ్యక్తుల మధ్య ఆధిపత్య పోరులోనే ఈ సంఘటన జరిగినట్లు అనుమానాలు ఉన్నాయి. కాల్పులు జరిపి కారులో పారిపోయిన వ్యక్తి ఇంతకుముందు కూడా ఇదే గురుద్వారాకు వచ్చేవాడని తెలిసింది.