ఇరాన్ పై రెండో విడత వైమానిక దాడులు చేసిన యూఎస్

పశ్చిమాసియా కల్లోలం ఇప్పట్లో ఆగేలా కనిపించడం లేదు. తాజాగా ఇరాన్ పై అమెరికా రెండో విడత దాడులు ప్రారంభించింది. రాజధాని టెహ్రాన్ తో సహ పోర్ట్ నగరమైన బందర్ అబ్బాస్, ఇరాన్ దక్షిణ ప్రాంతాలపై వైమానిక, క్షిపణి దాడులతో విరుచుకుపడింది.

దీనికి ప్రతీకారం తీర్చుకుంటామని ఇరాన్ శపథం చేసింది. ఇప్పటికే హార్ముజ్ జలసంధిని మూసివేస్తున్నట్లు ప్రకటించింది. ప్రపంచంలోని ఏ నౌకకు అక్కడి నుంచి వెళ్లడానికి అనుమతి లేదని వెల్లడించింది. తమ అనుమతి లేకుండా వెళ్తే దాడులు తప్పవని హెచ్చరించింది.

అమెరికా- ఇరాన్ మధ్య చర్చలు సజావుగా జరుగుతున్నాయని అంతా అనుకుంటున్న సమయంలో ఒక్కసారిగా యూఎస్ అపాచీ హెలికాప్టర్ కూలిపోవడం దానికి ఇరానే కారణం అని తేలడంతో మరోమారు రెండు దేశాల మధ్య సైనిక ఘర్షణలు ప్రారంభం అయ్యాయి. అమెరికాకు ఒప్పందం కావాలంటే బెదిరించే ధోరణి ఆపాలని ఐరాసలో ఇరాన్ ప్రతినిధి వ్యాఖ్యానించారు. ఇలాంటి వాటికి తమ దగ్గర చాలా గట్టి సమాధానం ఉందని హెచ్చరించారు.