వాన్స్ స్విట్జర్లాండ్ బయల్దేరడం లేదు: వైట్ హౌజ్ ప్రకటన

ఇరాన్- అమెరికా మధ్య స్విట్జర్లాండ్ లో జరగబోయే చర్చలకు సంబంధించి చిన్న అంతరాయం ఏర్పడింది. ఇప్పటికే డొనాల్డ్ ట్రంప్ ఆ ఒప్పందం సంతకం చేసిన సంగతి తెలిసిందే. అయితే మిగిలిన అంశాలపై చర్చించి, వాటిని ఒప్పందంలో చేర్చేందుకు ఉన్న వాటిపై ఇరుపక్షాల మధ్య ఏకాభిప్రాయం కుదరకపోవడంతోనే వాయిదా పడిందని వైట్ హౌజ్ తెలిపింది.

ఇందులో ఇరాన్ కు సంబంధించిన అణు కార్యక్రమం కూడా ఉందని పేర్కొంది. సాంకేతిక చర్చల ప్రణాళికలు ఇంకా ఖరారు కాలేదని, అవకాశం దొరికిన వెంటనే బయలుదేరడానికి అమెరికా ప్రతినిధి బృందం సిద్ధంగా ఉందని వైట్ హౌస్ ఒక ప్రకటనలో తెలిపింది.

లెబనాన్ కేంద్రంగా ఉన్న ఉగ్రవాద సంస్థ హెజ్ బుల్లా పై ఇజ్రాయెల్ తీవ్ర స్థాయిలో విరుచుపడటంతో ఇరాన్ తన ప్రతినిధి బృందాన్ని స్విస్ కు పంపడానికి అంగీకరించలేదని తెలుస్తోంది. ఈ విషయాన్ని పాన్-అరబ్ శాటిలైట్ ఛానల్ అయిన ‘అల్-మయాదీన్’ నివేదిక వెలువరించిన నేపథ్యంలో వైట్ హౌజ్ నుంచి ఈ ప్రకటన వెలువడింది.