జమ్మూకశ్మీర్ లోని ఉధంపూర్ లో ఘోర రోడ్డు ప్రమాదం

జమ్మూ కాశ్మీర్‌లోని ఉధంపూర్ జిల్లాలో సోమవారం ఘోర రోడ్డు ప్రమాదం జరిగింది. ప్రయాణికులతో వెళ్తున్న ఓ బస్సు లోయలో పడిపోవడంతో 15 మంది అక్కడికక్కడే మరణించారు. పలువురు తీవ్రంగా గాయపడ్డారు. వారిని సమీపంలోని ఆస్పత్రికి తరలించారు.

రామ్ నగర్ ప్రాంతంలోని కాగోర్ట్ గ్రామం సమీపంలో ఉదయం 10 గంటల ప్రాంతంలో కొండ రహదారిపై ఉన్న ఒక మలుపు వద్ద బస్సు ప్రమాదానికి గురైందని అధికారులు తెలిపారు. గాయపడిన వారిని రక్షించడానికి భారీ ఎత్తున సహాయక చర్యలు కొనసాగుతున్నాయని వారు చెప్పారు.