ఢిల్లీలో భారీ నిర్బంధాలు.. 7 వేల మందికి పైగా ఆందోళనకారులు అదుపులోకి!

సీఈసీ జ్ఞానేశ్ కుమార్ రాజీనామా చేయాలని రాజకీయ పిలుపునిచ్చిన సీజేపీ ఆందోళన విఫలమైంది. దాని మద్దతుదారులు, రాజకీయ పార్టీల నాయకులు ఎవరూ ఢిల్లీలో అడుగుపెట్టకుండా పోలీసులు గట్టి బందోబస్తు ఏర్పాటు చేశారు.

ఈ ఘటనలో దేశవ్యాప్తంగా దాదాపు ఏడు వేల మందిని అదుపులోకి తీసుకున్నట్లు వెల్లడి అయింది. సీజేపీ నేతలతో పాటు నలుగురు మాజీ ముఖ్యమంత్రులు, యూట్యూబర్ ధ్రువ్ రాఠీని కూడా పోలీసులు అరెస్ట్ చేశారు. దేశ రాజధానిలో ఎమర్జెన్సీ నాటి పరిస్థితులు కనిపించాయని విపక్షాలు ఆరోపించాయి. బీజేపీ మాత్రం ఇదో ‘‘ఫ్లాప్’’ షో అంటూ ఎద్దేవా చేసింది.