దురంధర్, ఓజీలను ప్రస్తావించిన మోదీ

తాను 2013 లో గుజరాత్ ముఖ్యమంత్రిగా ఉన్నప్పుడు శ్రీరామ కాలేజ్ కు వచ్చానని గుర్తు చేసుకున్నారు. అప్పుడు తాను చేసిన ప్రసంగాన్ని ప్రస్తావించిన మోదీ, భారత్ సాధించిన అభివృద్ధిని వివరించారు. ప్రపంచం క్లిష్ట పరిస్థితుల్లో ఉన్నప్పటికీ ఈ త్రైమాసికంలో 7.8 శాతం వృద్ధి సాధించిందని పేర్కొన్నారు.

దుర్యాగంజ్ లో ఒక నిరాడంబరమైన సంస్థగా ప్రారంభమైన ఈ కాలేజ్, తరువాత కాలంలో ఉన్నతమైన సంస్థగా మారి వందలాది మందిని తీర్చిదిద్దిందని చెప్పారు. పూర్వ విద్యార్థులు ఈ కాలేజీకి చెందిన వారమని చెప్పుకోవడం గర్వకారణంగా మారిందని అన్నారు.

2013 లో దేశంలో అవినీతి రాజ్యమేలుతుందని, ఉగ్రవాద దాడులతో దేశం అల్లాడుతోందని, ద్రవ్యోల్బణం, కుటుంబ రాజకీయాలు, నక్సలిజం, కుంభకోణాలు పరిపాటిగా మారాయని, కానీ తాము అధికారంలోకి వచ్చిన ఈ 12 సంవత్సరాలలో దేశం అన్నింటిని అధిగమించి, వృద్ధి పథంలో దూసుకుపోతుందని చెప్పుకొచ్చారు.

పాకిస్తాన్ కు దాని గడ్డమీదే బుద్ధి చెప్పామని, నక్సలిజం వెన్నువిరిచామని వివరించారు. 2013 లో శ్రీరామ కాలేజీలో తాను చేసిన సగం గ్లాస్ ఉదాహారణను మరోసారి ప్రస్తావించారు. ‘‘గ్లాసు సగం నీటితో ఉన్నప్పుడు కొంతమంది దీనిని సగం గ్లాసు అని, మరికొంతమంది సగం గాలితో ఉందని చెప్తారని, కానీ తాను మాత్రం సగం నీళ్లు, సగం గాలితో పూర్తిగా నిండి ఉంది’’ అని చెప్పినట్లు గుర్తు చేసుకున్నారు. అయితే తన ఆశావాదాన్ని కొంతమంది ఎగతాళి చేశారని, కానీ ఇప్పుడు వారి అభివృద్ధి కళ్లముందు కనపడుతోందని పేర్కొన్నారు