ప్రాణహిత ప్రాజెక్టుకు పునర్జీవం:నాలుగు ప్రతిపాదనలపై ప్రభుత్వ పరిశీలన

ప్రాణహిత-చేవెళ్ల ప్రాజెక్టు నిర్మాణాన్ని వేగవంతం చేసేందుకు కాంగ్రెస్ ప్రభుత్వం కట్టుబడి ఉందని తెలంగాణ నీటిపారుదల శాఖ మంత్రి కెప్టెన్ ఎన్. ఉత్తమ్ కుమార్ రెడ్డి స్పష్టం చేశారు. మ్యానిఫెస్టోలో ఇచ్చిన హామీ మేరకు ప్రాజెక్టు అమలుకు ప్రణాళికలు సిద్ధం చేసి, తుమ్మిడిహట్టి నుంచి ఎల్లంపల్లికి నీటిని తరలించే దిశగా కీలక చర్యలు చేపట్టినట్లు వెల్లడించారు.తుమ్మడిహట్టి నుంచి ఎల్లంపల్లికీ నీటిని తరలించి లక్షలాది ఎకరాలకు సాగునీరు అందించేందుకు భగీరథ ప్రయత్నం చేస్తున్నామని మంత్రి వెల్లడించారు.బుధవారం మంత్రి నీటిపారుదల శాఖ ప్రధాన కార్యదర్శి ఇ. శ్రీధర్ సహాయ కార్యదర్శి కే. శ్రీనివాస్ ఇ.ఎన్.సి రమేష్ బాబు,జయశంకర్ భూపాలపల్లి కలెక్టర్ రోహిత్ శర్మ,ఆర్వీ అసోసియేట్స్,ఐఐటీ హైదరాబాద్ ప్రతినిధులతో సమీక్షించారు.