ఆర్టీసిలో సమ్మె ప్రారంభం, పది వేల బస్సులు బంద్

ముందుకు రాని అద్దె డ్రైవర్లు

సమ్మెకారణంగా బస్సుల రాష్ట్రమంతా నిలిచిపోయాయి. దీనితో ప్రయాణికులు అవస్థలు పడుతున్నారు. కార్మిక నాయకులు తమ మాట వినలేదని యాజమాన్యం కోపం గా ఉంది. దీనితో   తాత్కాలిక డ్రైవర్లు, కండక్టర్లతో పరిమిత సంఖ్యలో బస్సులను నడిపేందుకు ప్రయత్నిస్తున్నారు. అద్దె డ్రైవర్లను రప్పించేందుకు ప్రయత్నిస్తున్నారు. ఇది సఫలం కావడం లేదు. పోలీసు బందోబస్తుఇస్తామని చెప్పినా తాత్కాలికంగా పనిచేసేందుకు డ్రైవర్లు ఎవరూ ముందుకురావడం లేదు. సమ్మెకారణంగా గొడవలు జరిగితే మొదటికే మోసం వస్తుందని  బస్సులు నడిపేందుకు ప్రయివేటు డ్రైవర్లు ముందుకురావడం లేదని తెలిసింది.

 కరీంనగర్ వద్ద అద్దె డ్రైవర్ తో ప్రమాదం

రాష్ట్రంలో ఆర్టీసీ సమ్మె ఉధృతం కావడంతో ఎలాగైనా బస్సులు నడిపించాలని, కనీసం ఒక్కబస్సైనా డిపో నుంచి బయటకు తీసుకురావాలని యాజమాన్యం ప్రయత్నిస్తూ ఉంది. ఇలా చేసిన ఒక ప్రయత్నం బెడిసికొట్టింది.  .  కరీంనగర్  జిల్లా అల్గునూర్ వద్ద జరిగిన బస్సు ప్రమాదం రాష్ట్రవ్యాప్తంగా కలకలం రేపుతోంది. కరీంనగర్ 2 డిపోకు చెందిన ఒక బస్సును అధికారు లు అద్దె డ్రైవర్ తో వరంగల్ కు పంపేందుకు ప్రయత్నించారు. బస్సైతే కదిలింది. రోడ్డెక్కింది. అల్గునూర్ దాకావచ్చింది. అక్కడ బస్సు అద్దె డ్రైవర్ అదుపుతప్పింది. ఎదురుగా వస్తున్న లారీ ని ఢీ కొట్టింది. బస్సు ముందు భాగం దెబ్బతినింది. ప్రాణాపాయం లేదు గాని కొందరికి గాయాలయ్యాయి. అంబులెన్స్ తెప్పించి వారిని ఆసుపత్రికి తరలించారు.

ఆర్టీసి కార్మికుల ప్రధాన డిమాండ్లు...

తెలంగాణలో ఆర్టీసీ (TGSRTC) కార్మికులు 32 డిమాండ్లను యాజమాన్యం ముందుంచారు.   ప్రధానంగా డిమాండ్ చేస్తున్న అంశాలు, సమ్మెకు దారితీసిన పరిస్థితులు ఏమిటంటే...

*ఆర్టీసీని ప్రభుత్వంలో విలీనం చేయడం (Merger): ఆర్టీసీని ప్రభుత్వ శాఖగా గుర్తించి, సంస్థను పూర్తిగా ప్రభుత్వంలో విలీనం చేయాలనేది కార్మికుల దశాబ్దాల ప్రధాన డిమాండ్.

*వేతన సవరణ (Wage Revision): 2021 వేతన సవరణను అమలు చేయడంతో పాటు, 30 శాతం ఫిట్‌మెంట్‌ కల్పించాలని కోరుతున్నారు.

*కాంగ్రెస్ మేనిఫెస్టో హామీలు: ఎన్నికల సమయంలో కాంగ్రెస్ పార్టీ ఇచ్చిన హామీలన్నింటినీ వెంటనే అమలు చేయాలని డిమాండ్ చేస్తున్నారు.

*నిలిచిపోయిన బకాయిల చెల్లింపు: పెండింగ్‌లో ఉన్న డీఏ (DA), ఇతర బకాయిలను వెంటనే విడుదల చేయాలని, రిటైర్డ్ ఉద్యోగుల ప్రయోజనాలను కల్పించాలని కోరుతున్నారు.

*ప్రైవేటీకరణకు వ్యతిరేకం: అద్దె బస్సులు, ప్రైవేట్ ఎలక్ట్రిక్ బస్సుల నిర్వహణను నిలిపివేయాలని, సంస్థను ప్రైవేటీకరణ వైపు తీసుకెళ్లకూడదని డిమాండ్ చేస్తున్నారు.

*ఉద్యోగ భద్రత, ఖాళీల భర్తీ: ఖాళీగా ఉన్న పోస్టులను భర్తీ చేయడంతో పాటు, తాత్కాలిక సిబ్బందిని క్రమబద్ధీకరించాలని (Regularisation) కోరుతున్నారు.

*పని పరిస్థితుల మెరుగుదల: 8 గంటల పని దినాన్ని అమలు చేయడం, మహిళా సిబ్బందికి మెరుగైన సౌకర్యాలు కల్పించడం, 2019 సమ్మె నాటి పోలీసు కేసులను ఉపసంహరించుకోవడం 

గోదావరిఖనిలో... 

పెద్దపల్లి జిల్లా గోదావరిఖనిలో ఆర్టీసీ జేఏసీ ఆధ్వర్యంలో ఉద్యోగులు సమ్మె చేపట్టారు. బస్సులు డిపోలకే 150 బస్సులు, 600 ఉద్యోగులు పరిమితం అయ్యారు. గోదావరిఖని బస్టాండ్​, డిపో వద్ద పోలీసులు పటిష్ట బందోబస్తు ఏర్పాటు చేశారు.

కామారెడ్డి జిల్లా కేంద్రంలోని ఆర్టీసీ బస్టాండ్ వద్ద  కొద్ది సేపు ఉద్రిక్తత చోటుచేసుకుంది. సమ్మెకారణంగా సిబ్బంది విధులకు రాకపోవడంతో  పోలీసుల బందోబస్తు మధ్య ఆర్టీసి యాజమన్యం  అద్దె బస్సులు నడపేందుకు ప్రయత్నిస్తున్నది. అకయితే, ఇలా ఒక బస్సు  నడిపేందుకు డ్రైవర్ యత్నించగా ఆ బస్సును అడ్డుకొని ఆర్టీసీ కార్మికులు గాలి తీసేశారు. దీనితో పాలీసులకు, సిబ్బందికి తోపులాట జరిగింది.

ఉమ్మడి మహబూబ్ నగర్ జిల్లాలోని పది డిపోలకు చెందిన 850 బస్సులు సమ్మె పిలుపుతో డిపోలకే పరిమితం అయ్యాయి.  జిల్లావ్యాపితంగా  అర్ధరాత్రి నుంచే 3,850 మంది కార్మికులు డ్యూటికి దూరంగా ఉంటూ ఆందోళన చేపట్టారు.

సికింద్రాబాద్ రైల్వే స్టేషన్ వద్ద బస్సులు లేకపోవడంతో ప్రయాణికుల ఆందోళన చెందుకుతున్నారు. ఈ రోజు వర్కింగ్ డే కావడంతో  కార్యాలయాలకు, పాఠశాలలకు వెళ్లాల్సిన వారు తీవ్ర ఇబ్బందులకు గురవుతున్నారు.  మెట్రో రైళ్లు,సెట్విన్ బస్సులు కిటకిటలాడుతున్నయి. సెట్విన్ బస్సుల్లో పెరిగిన ధరలు పెంచారు. ఆటో లకు డిమాండ్ బాగా పెరిగింది. ప్రయాణికుల నుంచి అధిక డబ్బులు వసూలు చేస్తున్నరు..

సూర్యాపేట జిల్లా...

 సూర్యాపేట డిపోలో బస్సులన్నీ కూడా డిపోలకే పరిమితమయ్యాయి. ఎలెక్ట్రిక్ బస్సులనైనా నడిపించేందుకు అధికారులు తెగ ప్రయత్నిస్తున్నారు. కార్మికుల నుంచి వ్యతిరేకత వస్తున్నది కోదాడ డిపోలో 80 బస్సులో డిపోలో నిలిచిపోయాయి. జేబీఎం కంపెనీకి చెందిన ఎలక్ట్రికల్ బస్సులను సూర్యాపేట డిపోలో నడిపించేందుకు డిపో అధికారులు ప్రత్యేక ఏర్పాటు చేశారు. ఆర్టీసీ కార్మికులు మాత్రం డిపో ముందు నిరసన వ్యక్తం చేశారు.