తరుణ్ తేజ్ పాల్ కు షాక్ ఇచ్చిన సుప్రీంకోర్టు

తేజ్ పాల్ అత్యాచారం కేసులో తేజ్ పాల్ దోషిగా తేలాడు. తన సహోద్యోగిని లైంగిక వేధింపులు చేసినట్లు నిర్ధారణ అయింది. దీనితో బాంబే హైకోర్టు అతడికి పది సంవత్సరాల జైలు శిక్ష విధించింది. తనకు వ్యతిరేకంగా ఆగష్టు 6న హైకోర్టు ఇచ్చిన ఉత్తర్వును సవాల్ చేస్తూ, ఆగష్టు 20న సుప్రీంకోర్టును ఆశ్రయించాడు.

ఈ కేసులో యావజ్జీవ కారాగార శిక్ష విధించాలని వాదిస్తూ తెహల్కా మాజీ సంపాదకుడికి కఠినమైన శిక్ష విధించాలని కోరుతూ గోవా ప్రభుత్వం గతంలోనే సుప్రీంకోర్టును ఆశ్రయించింది. 2013 లో గోవాలో ఓ పత్రిక నిర్వహించిన ఒక కార్యక్రమం సందర్భంగా హోటల్ లిప్టులో తన జూనియర్ సహోద్యోగిపై అత్యాచారం చేసినట్లు నిర్ధారణ అయింది. అంతకుముందు 62 ఏళ్ల ఆ జర్నలిస్ట్ తాను రాజకీయ బాధితుడిని వాదించారు. అయితే కోర్టు వీటిని కొట్టివేసింది.

తేజ్ పాల్ చేసిన నేరాల స్వభావానికి, తీవ్రతకు హైకోర్టు విధించిన శిక్ష ఏమాత్రం సరిపోలడం లేదని గోవా ప్రభుత్వం సుప్రీంకోర్టులో దాఖలు చేసిన కేసులో వాదనలు వినిపించింది.

ఈ కేసులో మొదట ట్రయల్ కోర్టు తేజ్ పాల్ ను నిర్దోషిగా ప్రకటించింది. అయితే తేజ్ పాల్ కేసును విచారించిన బాంబే హైకోర్టు ట్రయల్ కోర్టు తీర్పును పక్కన పెట్టింది. తరుణ్ తేజ్ పాల్ ను దోషిగా నిర్ధారించింది.

తన తీర్పులో హైకోర్టు ట్రయల్ కోర్టు 2021 నాటి ఉత్తర్వును విపరీతమైనదిగా అభివర్ణించింది. లైంగిక దాడి బాధితురాలు కచ్చితంగా ఇలాగే ఉండాలని కోర్టు భావించిందని అభిప్రాయం వ్యక్తం చేసింది. రెండు వారాల్లోపు తేజ్ పాల్ లొంగిపోవాలని ఆదేశించింది. అయితే ఆయన న్యాయవాదుల అభ్యర్థన మేరకు దాన్ని నాలుగు వారాలకు పొడిగించింది.

తన 81 పేజీల తీర్పులో బాధితురాలిని నిందితుల పంజరంలో నిలబెట్టి, ఆమె వ్యక్తిగత జీవితంపై దృష్టి సారించిన తీరును హైకోర్టు తీవ్రంగా తప్పు పట్టింది. అంతేకాకుండా క్రాస్ ఎగ్జామినేషన్ సమయంలో ట్రయల్ కోర్టు మౌనంగా ఉండి, నిందితులు ఆమెను వేధించడానికి, అవమానించడానికి అనుమతించడం’’ ఆశ్చర్యం కలిగించిందని పేర్కొంది.

తేజ్ పాల్ పై ఐపీసీ సెక్షన్ లోని పలు సెక్షన్ల కింద అభియోగాలు మోపబడ్డాయి. వాటిలో 376(2)(ఎఫ్), 354(ఏ), 354(బీ), సెక్షన్ 376(2)(ఎఫ్) కింద కేసులు నమోదు అయ్యాయి.