డీప్ ఫేక్ వీడియోలపై బాంబే హైకోర్టుకు కేంద్రమంత్రి

బార్ అండ్ బెంచ్ నివేదిక ప్రకారం, సంబంధిత హైకోర్టు ప్రాదేశిక అధికార పరిధికి వెలుపల నుంచి దావా కారణం పాక్షికంగా ఉత్పన్నమైనప్పుడు వర్తించే లెటర్స్ పేటెంట్‌లోని క్లాజ్ XII కింద కేంద్ర మంత్రి ఈ పిటిషన్‌ను దాఖలు చేశారు.

ఈ దావాలో ప్రతివాదులుగా మెటా (ఫేస్‌బుక్, ఇన్‌స్టాగ్రామ్), ఎక్స్ కార్ప్, గూగుల్ ఎల్‌ఎల్‌సి యూట్యూబ్‌తో పాటు, కేంద్ర ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ, టెలికమ్యూనికేషన్స్ విభాగం ఉన్నాయని ఆ నివేదిక పేర్కొంది.

ఈ దావాలో, ఆ కంటెంట్‌ను సృష్టించిన, వ్యాప్తి చేసిన గుర్తుతెలియని వ్యక్తులను "అశోక్ కుమార్లు/జాన్ డోస్"గా చేర్చారు. ఈ విషయం జస్టిస్ అభయ్ అహుజా ముందు విచారణకు వచ్చింది. గడ్కరీ తరఫున హాజరైన న్యాయవాది సందీప్ ఎస్ లడ్డా, దావా వేయడానికి అనుమతి కోరారు.

ముంబైలోని వినియోగదారులతో సహా, బహిరంగంగా అందుబాటులో ఉన్న పరువు నష్టం కలిగించే, డీప్‌ఫేక్ కంటెంట్‌కు ప్రతివాదులే బాధ్యులని, ఈ దావాకు సంబంధించిన ముఖ్యమైన కారణం ఆ నగరంలోనే జరిగిందని ఆయన వాదించారు.

మెటా, వివాదాస్పద కంటెంట్‌ను హోస్ట్ చేసిన లేదా వ్యాప్తి చేయడానికి వీలు కల్పించినట్లు ఆరోపణలు ఎదుర్కొంటున్న సోషల్ మీడియా ప్లాట్‌ఫారమ్‌లు, జాన్ డో సంస్థలతో సహా అనేక ఇతర సంస్థలపై సివిల్ దావా వేయడానికి గడ్కరీకి అనుమతినిస్తూ, జస్టిస్ అహుజా దావా వేయడానికి అనుమతి మంజూరు చేశారని నివేదిక పేర్కొంది.

E20 కార్యక్రమం పెట్రోలియం, సహజ వాయువు మంత్రిత్వ శాఖ పరిధిలోకి వస్తుందని గడ్కరీ దావాలో పేర్కొన్నారు. E20 కార్యక్రమానికి తానే వ్యక్తిగతంగా బాధ్యుడని, తన కుటుంబం దాని నుంచి ఆర్థికంగా లాభపడిందని చిత్రీకరిస్తూ సోషల్ మీడియా పోస్టులు, డీప్‌ఫేక్ కంటెంట్‌ను గుర్తు తెలియని వ్యక్తులు ప్రచారం చేస్తున్నారని ఆయన ఆరోపించారు.

ఈ ఆరోపణలు అవాస్తవమైనవి, దురుద్దేశపూరితమైనవి, ఎటువంటి నిజం లేకుండా తీవ్రంగా పరువు నష్టం కలిగించేవి అని ఆ దావాలో పేర్కొన్నారు. గడ్కరీ తన ప్రజా పదవిని వ్యక్తిగత లాభం కోసం దుర్వినియోగం చేశారనే తప్పుడు అభిప్రాయాన్ని కలిగించి, ఆయన ప్రతిష్టను దెబ్బతీసేలా ఈ కంటెంట్ రూపొందించబడిందని కూడా అందులో తెలిపారు.

కేంద్ర మంత్రి సోషల్ మీడియా పోస్టులు, ట్వీట్లు, రీల్స్, వీడియోలు, ఇతర మెటీరియల్‌తో సహా సంబంధిత “పరువు నష్టం కలిగించే కంటెంట్”, “డీప్ ఫేక్ కంటెంట్”పై శాశ్వత నిషేధాన్ని కూడా కోరారు. E20 పెట్రోల్ వాడకం వల్ల మైలేజీ తగ్గడం, ఇంజిన్ దెబ్బతినడం జరుగుతోందని కొంతమంది వాహన యజమానులు ఆరోపించిన సమయంలో ఈ పరిణామం చోటుచేసుకుంది. అయితే, గడ్కరీ అటువంటి ఆరోపణలను ఖండించారు.