‘‘భగవంత్ మాన్ మద్యం మత్తులో సభకు వచ్చారు‘‘

పంజాబ్ సీఎం మరోసారి వివాదంలో చిక్కుకున్నారు. మేడే సందర్భంగా ప్రత్యేకంగా నిర్వహించిన శాసన సభ సమావేశంలో సీఎం భగవంత్ మాన్ మద్యం తాగి వచ్చారని ప్రతిపక్షాలు ఆరోపించాయి. ఆయనకు తక్షణమే ఆల్కహాల్ పరీక్ష నిర్వహించాలని డిమాండ్ చేశాయి.

అసెంబ్లీ సమావేశాల సందర్భంగా ఈ వివాదం చెలరేగడంతో, కాంగ్రెస్ శాసనసభ్యులు వాకౌట్ చేశాయి. సీఎం కు డోప్ టెస్ట్, బ్రీత్ అనలైజర్ టెస్ట్ చేయాలని డిమాండ్ చేశాయి. శాసనసభ్యులందరికీ విస్తృత వైద్య పరీక్షలు నిర్వహించాలని కూడా ఆ పార్టీ కోరింది. అయితే, ముఖ్యమంత్రి ఈ ఆరోపణలను ఖండించారు.