ధిక్కార నేతపైనే ధిక్కారం ప్రదర్శించిన ఎమ్మెల్యేలు..

బెంగాల్ మాజీ ముఖ్యమంత్రి మమతా బెనర్జీ పేరు అంటేనే ధిక్కారం.. తిరుగుబాటుకు మారుపేరు. అలాంటి నేతకు సరిగ్గా అలాంటి పరిస్థితే ఎదురయింది. ఏ ధిక్కారంతో దేశవ్యాప్తంగా గుర్తింపు పొందిందో.. బెంగాల్ ఎన్నికల్లో ఓటమితో సొంత పార్టీ నేతలు ఆమె దారిలో తిరుగుబాటు ప్రదర్శిస్తూ ఆమెను పార్టీ నుంచి బయటకు తోలారు.

పార్టీ ఓడిపోయి కనీసం నెల రోజులు కాకముందే ఆమె నిర్వహించి సమావేశానికి కనీసం రెండు డజన్ల మంది ఎమ్మెల్యేలు కూడా హాజరుకాలేదు. టీఎంసీ గెలిచిన మొత్తం 80 మంది ఎమ్మెల్యేలలో 58 మంది తిరుగుబాటు చేశారు. రితబ్రత అనే కొత్త ఎమ్మెల్యేను తమ నాయకుడిగా ఎన్నుకున్నారు.

ఈ మేరకు స్పీకర్ కు లేఖ అందించడం ఆయన దాన్ని ఆమోదించడం చకాచకా జరిగిపోయాయి. ఇక నుంచి విపక్ష నేతగా ఆయనే ఉండనున్నారని తేలింది. ఎమ్మెల్యేల పరిస్థితి ఇలా ఉండగా ఎంపీలు కూడా తమ దారి తాము చూసుకుంటున్నట్లు సంకేతాలు వస్తున్నాయి. ఆ పార్టీకి రాజ్యసభ, లోక్ సభలో 42 మంది ఎంపీలు ఉన్నారు. వారు కూడా వేరుకుంపటి పెట్టే సంకేతాలు ఇస్తున్నారు.