సినీ రంగం నుంచి సెక్రటేరియట్ వరకూ...

లేకపోవడంతో కాంగ్రెస్, సీపీఐ, సీపీఎం, వీసీకే, ఐయూఎంఎల్ మద్దతుతో టీవీకేకు 120 స్థానాలు లభించి, ప్రభుత్వాన్ని ఏర్పాటు చేయడానికి సిద్ధంగా ఉంది.

సి. జోసెఫ్ విజయ్ 1974, జూన్ 22న, చిత్రనిర్మాత, క్రైస్తవుడైన తండ్రి ఎస్.ఎ. చంద్రశేఖర్, గాయని హిందూ బ్రాహ్మిణ్ అయిన తల్లి శోభా చంద్రశేఖర్ దంపతులకు జన్మించారు. విజయ్ చెన్నైలోని ఫాతిమా మెట్రిక్యులేషన్ హయ్యర్ సెకండరీ స్కూల్ బాలలోక్ స్కూల్‌లో చదువుకున్నారు. ఆ తర్వాత, అతను చెన్నైలోని లయోలా కాలేజీలో విజువల్ కమ్యూనికేషన్‌లో బ్యాచిలర్ డిగ్రీ చదువుతుండగా, నటనను వృత్తిగా ఎంచుకోవడానికి చదువును మధ్యలోనే వదిలేశారు.

2024 ఫిబ్రవరిలో తన రాజకీయ పార్టీ అయిన టీవీకేను ప్రారంభించారు. కేవలం రెండేళ్లలోనే, ఎన్నికల బరిలోకి దిగి, రాష్ట్ర ముఖ్యమంత్రిగా బాధ్యతలు చేపట్టి చరిత్ర సృష్టించారు. తద్వారా తమిళనాడులో ద్రవిడ పార్టీలైన ఏఐఏడీఎంకే, డీఎంకేల రాజకీయాలకు ముగింపు పలికారు.

1980వ దశకంలో బాలనటుడిగా తన సినీ జీవితాన్ని ప్రారంభించిన విజయ్, తమిళ చిత్ర పరిశ్రమలో కథానాయకుడిగా తనకంటూ ఒక ప్రత్యేక స్థానాన్ని ఏర్పరచుకున్నారు. అతను 65కు పైగా చిత్రాలలో నటించారు. పూర్తిస్థాయిలో రాజకీయాల్లోకి అడుగుపెట్టిన తర్వాత ఆయన నటించిన చివరి చిత్రం 'జన నాయగన్’.

అయితే, సెన్సార్ సమస్యల కారణంగా 'జన నాయగన్' ఇంకా విడుదల కాలేదు. ఇది జూన్‌లో థియేటర్లలోకి వస్తుందని భావిస్తున్నారు. 50 ఏళ్ల వయసులో రాజకీయ రంగ ప్రవేశం ఆయన అనతికాలంలోనే సీఎం పదవికి చేరుకున్నారు.

70కి పైగా చిత్రాలు నిర్మించి, ఆయన తండ్రి చంద్రశేఖరే దీనిని నడిపించారు. మొదట్లో, రాజకీయాల్లోకి రావాలన్న సూచనతో సంతోషంగా లేని విజయ్, తన తండ్రికి దూరంగా ఉన్నారు. నిజ జీవితంలో కూడా తనను ఒక అసాధారణ నాయకుడిగా చూపించాలన్న చంద్రశేఖర్ నిరంతర ఒత్తిడి పట్ల ఆయన అసంతృప్తిగా ఉన్నట్లు తెలుస్తోంది.

1990ల ప్రారంభంలో విజయ్‌ను బాలనటుడిగా పరిచయం చేసి, కథానాయకుడిగా అతని స్థానాన్ని సుస్థిరం చేసింది చంద్రశేఖరే. విజయ్ సినిమా రంగంలో నిలదొక్కుకున్న తర్వాత, అతని తండ్రి సినిమాల ఎంపికలోనూ, కథాంశాలలో అతని నటన విషయంలోనూ సాయం చేశారు.

అయితే, చంద్రశేఖర్ రాజకీయాలపై కూడా తీవ్ర ఆసక్తిని కనబరిచారు. ఆయన బహిరంగ వేదికలపై తన రాజకీయ ఆకాంక్షల గురించి మాట్లాడారు, విజయ్‌ను ప్రోత్సహించడానికి కూడా ప్రయత్నించారు. అయితే, ఆయన నిరంతరంగా ప్రోత్సహించడం వల్ల ప్రతికూల ఫలితం వచ్చింది. ఆ సమయంలో విజయ్ రాజకీయాలపై పెద్దగా ఆసక్తి చూపకుండా, సినిమా రంగంలో తన కెరీర్‌ను నిర్మించుకోవడంపైనే ఎక్కువ దృష్టి పెట్టారు.

1993లోనే చంద్రశేఖర్ విజయ్ కోసం ఒక అభిమాన సంఘాన్ని ప్రారంభించి, ఐదేళ్లలో దానిని ఒక సంక్షేమ సంఘంగా మార్చారు. నవంబర్ 2020లో, పరోపకార కార్యక్రమాలలో పాల్గొనే యువతను గుర్తించడానికి, విజయ్ అభిమాన సంఘాన్ని 'ఆల్-ఇండియా తలపతి విజయ్ మక్కల్ ఇయక్కం' అనే రాజకీయ పార్టీగా నమోదు చేసినట్లు ఆయన ప్రకటించారు.

అయితే, ఈ నిర్ణయంతో విజయ్‌కు ఏమాత్రం సంబంధం లేదని ఆయన స్పష్టం చేశారు. విజయ్ స్వయంగా తన రాజకీయ ప్రవేశం గురించిన వార్తలను ఖండించారు. తనకు ఏ రాజకీయ పార్టీతోనూ సంబంధం ఉండదని ఆయన ఒక ప్రకటన కూడా జారీ చేశారు. తన చిత్రాలలో విజయ్ యుగళగీతాలు పాడటం, విలన్‌లను చితకబాదడం కొనసాగించినప్పటికీ, వాటిలోని అంతర్లీన రాజకీయ అంశం స్పష్టంగా కనిపించేది. అంటరానితనం, అవినీతి, మాదకద్రవ్యాలు, ఉగ్రవాదం వంటి ప్రజల సమస్యలను తన చిత్రాలలో ప్రతిబింబించడం ద్వారా ఆయన పేరు సంపాదించుకున్నారు.

మెర్సల్ (2017), సర్కార్ (2018) వంటి చిత్రాల ద్వారా, జీఎస్టీ, పెద్ద నోట్ల రద్దు, దేశ ఆరోగ్య సంరక్షణ పరిస్థితి, ఓట్లకు డబ్బు వంటి సమకాలీన సమస్యలపై విజయ్ కొన్ని రాజకీయ సందేశాలను అందించారు. కానీ ప్రజా జీవితంలో, ఆయన ఇలాంటి ప్రకటనలకు దూరంగా ఉన్నారు.

వాస్తవానికి, రాజకీయ ప్రవేశం విషయంలో తన తండ్రితో ఆయనకున్న విభేదాలు ఎంతగా పెరిగాయంటే, నాలుగేళ్లపాటు వారిద్దరూ మాట్లాడుకోలేదని మీడియా నివేదికలు తెలిపాయి. ఇయక్కం ప్రధాన కార్యదర్శి, ప్రస్తుతం టీవీకే నాయకుడైన బుస్సీ ఎన్ ఆనంద్, వారిద్దరినీ కలిపే శక్తిగా వ్యవహరించి, స్థానిక సంస్థల ఎన్నికల ద్వారా తన బలాన్ని పరీక్షించుకోమని విజయ్‌ను ప్రోత్సహించినట్లు తెలుస్తోంది.