చెన్నై బీచ్ లో ఎక్కడ చూసిన విరిగిన గణేశ్ విగ్రహాలే

పట్టినాపాక్కం నుంచి నోచి కుప్పం వరకు.. అలాగే కాసిమేడు బీచ్ అంతటా చెత్తాచెదారం కనిపించింది. చెన్నై వ్యాప్తంగా బహిరంగ ప్రదేశాలలో మొత్తం 1,562 గణేశ విగ్రహాలను ప్రతిష్టించగా, వాటిలో 1,247 విగ్రహాలను పట్టినాపాక్కం బీచ్‌లో నిమజ్జనం చేశారు.

సముద్రంలోకి వదిలే ముందు అనేక విగ్రహాలను తగినంత లోతుకు తీసుకెళ్లలేదు. దీనితో గణేశ్ విగ్రహాలు తిరిగి తీరానికి కొట్టుకువస్తున్నాయి. ముఖ్యంగా ప్లాస్టర్ ఆఫ్ ప్యారిస్ (PoP), రసాయన రంగులతో చేసిన విగ్రహాలతో ఈ సమస్య తలెత్తింది. మట్టి విగ్రహాలలా కాకుండా, ఈ పదార్థాలు నీటిలో సులభంగా కరగవు.

అవి ముక్కలై ఒడ్డుకు కొట్టుకువచ్చి, అప్పటికే బీచ్‌లలో ఉన్న వ్యర్థాలకు తోడవుతాయి. విగ్రహాలను నిర్మించడానికి ఉపయోగించిన చెక్క నిర్మాణాలు కూడా ఇసుకలో చెల్లాచెదురుగా పడి ఉన్నాయి. వ్యర్థాలను తొలగించడానికి ఏర్పాట్లు చేసినప్పటికీ ఈ సమస్య తలెత్తింది.

గ్రేటర్ చెన్నై కార్పొరేషన్ పారిశుధ్య కార్మికులు సెప్టెంబర్ 20న రాత్రి 10 గంటల ప్రాంతంలో శుభ్రపరిచే పనులను ప్రారంభించారు, దాదాపు 80 మంది పారిశుధ్య కార్మికులు షిఫ్టుల వారిగా పనిచేస్తున్నారు. ఇప్పటి వరకూ 930 టన్నులు తొలగించారు.

మరుసటి ఉదయం నాటికి, బీచ్‌లో విగ్రహ వ్యర్థాలు పెద్దగా పేరుకుపోలేదు. ముఖ్యంగా, సెప్టెంబర్ 19, 20 తేదీల మధ్య జరిగిన నిమజ్జన కార్యక్రమాల అనంతరం దాదాపు 930 మెట్రిక్ టన్నుల ఘన వ్యర్థాలను తొలగించారు.

చెన్నై విగ్రహ నిమజ్జనం కోసం పట్టినాపాక్కంలోని శ్రీనివాసపురం, కాశీమేడు ఫిషింగ్ హార్బర్‌తో సహా పలు ప్రదేశాలను నిర్దేశించింది. నిమజ్జన ప్రక్రియలో సహాయపడటానికి పోలీసులు క్రేన్‌లు, పడవలను కూడా ఉపయోగించారు. కానీ, ఒడ్డుకు కొట్టుకొస్తున్న వ్యర్థాలు ఒక పెద్ద పర్యావరణ ప్రశ్నను లేవనెత్తుతున్నాయి. నిమజ్జనం సమయంలో ఏమి జరుగుతుంది.

ప్రతి సంవత్సరం, దేశంలోని వివిధ ప్రాంతాలలో నిమజ్జనం తర్వాత గణేశ విగ్రహాలు బీచ్‌లకు కొట్టుకొస్తున్నట్లు నివేదికలు వస్తున్నాయి. ఉదయానికల్లా బీచ్‌లను శుభ్రం చేయవచ్చు, కానీ అలల ద్వారా తిరిగి వచ్చే వ్యర్థాలు మరోసారి పరిశుభ్రత సమస్యను తీసుకొస్తున్నాయి. పర్యావరణ అనుకూల గణేశ విగ్రహాల వాడకంపై మార్గదర్శకాలు ఉన్నప్పటికీ, నిమజ్జనానికి ఏర్పాట్లు చేసినప్పటికీ, అలలతో పాటు పగిలిపోయిన విగ్రహాలు తిరిగి రావడం అనేది దీనికి ఎవరు బాధ్యులు అనే ప్రశ్నలను లేవనెత్తుతోంది.