బెంగళూర్ మెట్రో సేవల్లో అంతరాయం

దీంతో పలువురు ప్రయాణికులు చిక్కుకుపోయి, తమ గమ్యస్థానాలకు చేరుకోవడానికి ఆటోలు, యాప్ ఆధారిత క్యాబ్‌లతో సహా ప్రత్యామ్నాయ రవాణా మార్గాలను వెతుక్కోవాల్సి వచ్చింది. ఇటీవలి సంవత్సరాలలో బెంగళూరు మెట్రో సేవలను ప్రభావితం చేసిన అత్యంత తీవ్రమైన అంతరాయాలలో ఇది ఒకటిగా చెబుతున్నారు.

సాయంత్రం 6.32 గంటల ప్రాంతంలో కబ్బన్ పార్క్ మెట్రో స్టేషన్‌లో ఒక రైలులో సాంకేతిక లోపం తలెత్తడంతో ఈ సమస్య ప్రారంభమైందని అధికారులు తెలిపారు. సాయంత్రం వేళ రద్దీగా ఉండే సమయాల్లో అంతరాయం ఏర్పడటంతో ఈ సమస్య జఠిలంగా మారింది. ప్రజల భద్రత, రక్షణ, ప్రయాణికుల సులభమైన రాకపోకలను నిర్ధారించడానికి, మెట్రో స్టేషన్ల సమీపంలో అదనపు పోలీసు సిబ్బందిని మోహరించినట్లు పోలీసులు తెలిపారు.

అధికారులకు సహకరించాలని వారు ప్రజలను కోరారు. సోషల్ మీడియా ప్లాట్‌ఫామ్ ద్వారా BMRCL తెలిపిన వివరాల ప్రకారం, ఆపరేషన్స్ కంట్రోల్ సెంటర్ (OCC) నుంచి అందిన సమాచారం మేరకు, పర్పుల్ లైన్‌లోని కబ్బన్ పార్క్ మెట్రో స్టేషన్ వద్ద ఒక రైలులో సాంకేతిక లోపం ఏర్పడింది.

"ఆపరేషన్స్ - మెయింటెనెన్స్ బృందాలు ఈ సమస్యను పరిష్కరిస్తున్నాయి. అవసరమైన సవరణ చర్యలు తీసుకుంటున్నాయి. ప్రస్తుతం, పర్పుల్ లైన్‌లో మాగడి రోడ్, చల్లఘట్ట మధ్య, ఎంజీ రోడ్, వైట్‌ఫీల్డ్ (కడుగోడి) మధ్య రైలు సర్వీసులు నడుస్తున్నాయి" అని అది పేర్కొంది.

ఆ తరువాత మిగిలిన రైల్వే స్టేషన్ లలో సర్వీసులు అందుబాటులోకి వచ్చాయి. ప్రయాణికులకు కలిగిన తాత్కాలిక అసౌకర్యం పట్ల విచారం వ్యక్తం చేస్తూ, వీలైనంత త్వరగా సాధారణ సర్వీసులను పునరుద్ధరించడానికి ప్రయత్నాలు జరుగుతున్నాయని BMRCL హామీ ఇచ్చింది. ప్రయాణికులు సహకరించాలని, తదనుగుణంగా తమ ప్రయాణాలను ప్లాన్ చేసుకోవాలని అది అభ్యర్థించింది.