శివుడిగా డీకే శివకుమార్ చిత్రణ.. కన్నడ ఎడిటర్ పై విమర్శలు

కర్ణాటకకు కాబోయే ముఖ్యమంత్రి డీకే శివకుమార్ ను శివుడిగా చిత్రీకరిస్తూ ఒక ముఖ చిత్రాన్ని పేపర్ లో ప్రచురించడంతో రాష్ట్రంలో దుమారం చెలరేగింది. దీనిపై సోషల్ మీడియాలో పెద్ద ఎత్తున విమర్శలు వచ్చాయి. బుధవారం సాయంత్రం 4:05 గంటలకు బెంగళూరులోని లోక్ భవన్‌లో శివకుమార్ కర్ణాటక తదుపరి ముఖ్యమంత్రిగా ప్రమాణ స్వీకారం చేయనున్నారు.

ఆయనతో పాటు 13 మంది మంత్రులు ప్రమాణ స్వీకారం చేస్తారు. ఈ నేపథ్యంలో కన్నడ వార్తాపత్రిక విశ్వవాణి, ప్రధాన వార్తతో పాటు శివకుమార్‌ను త్రిశూలం, ఢమరుకం పట్టుకున్న శివుడిగా చిత్రీకరించింది. ముఖపత్రంలోని ఈ చిత్రాన్ని ఆ పత్రిక ఎడిటర్-ఇన్-చీఫ్ విశ్వేశ్వర్ భట్ ఎక్స్ (గతంలో ట్విట్టర్)లో పంచుకున్నారు. ఈ పోస్ట్ త్వరగా వైరల్ గా మారింది. దీనితో నెటిజన్లు ఎడిటర్ భట్‌పై దాడి విమర్శల వర్షం కురిపించారు.