‘‘సహజీవనం ఒప్పుకోవడం లేదని హత్యలు’’

నిందితురాలు శ్వేత సహజీవనం చేస్తుందని, తన సహ జీవనంపై కుటుంబ సభ్యులు అసంతృప్తితో ఉందని వెల్లడించింది. అలాగే నిందితురాలు దాదాపు 30 లక్షల రూపాయల బ్యాంకు నుంచి రుణాలు తీసుకున్నట్లు తెలిసింది. దీనికి సంబంధించిన బాంకు నోటీసులు ఇంటికి రావడంతో వివాదం చెలరేగింది. దీనితో ఆమె తన సహ జీవన భాగస్వామి అయిన కెన్నెత్ తో ఈ దారుణానికి పాల్పడింది.

తూర్పు బెంగళూరులోని సీగేహళ్లిలో ఉన్న వారి అపార్ట్‌మెంట్‌లో ఎం. శ్వేత తన తండ్రి సోమసుందర్ (55), తల్లి ముత్తులక్ష్మి (48), సుప్రియ (19)లను కత్తితో పొడిచి హత్య చేసినట్లు ఆరోపణలు ఉన్నాయి. కెన్నెత్, శ్వేత ఇద్దరూ ఇంజనీరింగ్‌లో పట్టభద్రులు. బెంగళూరులోని ఒక ఇన్‌స్టిట్యూట్‌లో పూర్వ సహవిద్యార్థులు. వారు ఇంటి నుంచే ఒక ప్రైవేట్ కంపెనీకి పనిచేశారు. ఈ సంఘటన జరిగిన అపార్ట్‌మెంట్‌ను వారు సుమారు రెండు నెలల క్రితం అద్దెకు తీసుకున్నట్లు సమాచారం.

పోలీసుల ప్రకారం, ఈ జంట తమ సహజీవనాన్ని ఏడాదికి పైగా తమ తమ కుటుంబాల నుంచి దాచిపెట్టారని టైమ్స్ నివేదిక పేర్కొంది. నిందితురాలైన శ్వేత వాయిదాలు చెల్లించడంలో విఫలమైన తర్వాత, ఆమె రుణాలకు సంబంధించిన బ్యాంకు నోటీసులు బెంగళూరులోని మారతహళ్లి ప్రాంతంలో ఉన్న వారి కుటుంబ నివాసానికి రావడం ప్రారంభమయ్యాక పరిస్థితులు మరింత దిగజారాయని ఆ నివేదిక తెలిపింది.

ముత్తులక్ష్మి ఆదివారం (జూన్ 21) సాయంత్రం ఆమె సీగహళ్లి అపార్ట్‌మెంట్‌కు వెళ్ళింది. మరుసటి రోజు, సోమసుందర్, సుర్పియా వచ్చారు. వారి మధ్య రుణం విషయం తెరపైకి రావడంతో వివాదం హింసాత్మకంగా మారింది. రాత్రి సుమారు 10 గంటల సమయంలో వారి గది నుంచి అరుపులు వినిపించాయని ఇరుగుపొరుగు వారు తెలిపారు. ఆ తర్వాత సోమసుందర్ ఇంటి మెట్లపై తీవ్రంగా రక్తస్రావంతో పడి ఉండటాన్ని గమనించారు. ముగ్గురు బాధితుల మృతదేహాలపై కనీసం 50 కత్తిపోట్లు ఉన్నాయని ఒక దర్యాప్తు అధికారి తెలిపారు.

అపార్ట్‌మెంట్ కాంప్లెక్స్‌లో అమర్చిన సీసీటీవీ కెమెరాలు, ఘటన తర్వాత నిందితులు ఇద్దరూ పారిపోవడాన్ని చిత్రీకరించినట్లు ఆరోపణలు ఉన్నాయి. ముత్తులక్ష్మి, సుప్రియలను సమీపంలోని ఆసుపత్రికి తరలించగా, అప్పటికే వారు మరణించినట్లు వైద్యులు ప్రకటించారు.

సోమసుందర్ తర్వాత గాయాలతో మరణించాడు. పోలీసుల కథనం ప్రకారం, శ్వేతకు తీర్చని రుణాలు ఉన్నాయని, తన పెద్ద కుమార్తెను ఇప్పుడు ఇంటికి తిరిగి తీసుకువచ్చి, తర్వాత కెన్నెత్‌తో వివాహం చేయాలనుకున్నానని మృతుడి తండ్రి వెల్లడించినట్లు టైమ్స్ నివేదిక పేర్కొంది.

కెన్నెత్ ఇంకా పట్టుబడలేదు. ఇప్పటికీ పరారీలో ఉన్న కెన్నెత్, శ్వేతతో తన సంబంధం గురించి కుటుంబానికి చెప్పలేదని, అతను హైదరాబాద్‌లో నివసిస్తూ, ఉద్యోగం చేస్తున్నాడని పోలీసులు తెలిపారు. పోలీసు అధికారులు వారి వద్దకు వచ్చి జరిగిన విషయం చెప్పినప్పుడు వారు దిగ్భ్రాంతికి గురయ్యారని ఒక పోలీసు అధికారి టైమ్స్‌తో చెప్పినట్లు పేర్కొంది.

తన జీవితాన్ని నియంత్రిస్తున్నారని తల్లిదండ్రులపై శ్వేత ఆరోపణలు చేసింది. ప్రాథమిక విచారణలో తన తల్లిదండ్రులు తన జీవితాన్ని "పూర్తిగా" నియంత్రిస్తున్నారని, తనకు స్వేచ్ఛ లేదని శ్వేత చెప్పినట్లు ఈటీవీ భారత్ నివేదిక తెలిపింది. తన కుటుంబ సభ్యులను దారుణంగా హత్య చేయడానికి అదే కారణమని ఆమె వెల్లడించినట్లు పోలీసులు చెప్పినట్లు ఆ నివేదిక పేర్కొంది.

"నా జీవితం ఇంటికే పరిమితమైపోయింది," అని ఆమె దర్యాప్తు అధికారులతో చెప్పినట్లు డెక్కన్ హెరాల్డ్ నివేదిక పేర్కొంది. తన తల్లిదండ్రులతో సంబంధాలు బాగా దెబ్బతినడంతో వారికి దూరమయ్యానని ఆమె చెప్పింది.

వారి మధ్య తరచుగా గొడవలు జరుగుతుండేవి. అయితే, సోమవారం సంఘటనలు ఎలా జరిగాయనే దానిపై నివేదికలు భిన్నంగా ఉన్నాయి. కొన్ని నివేదికల ప్రకారం ముత్తులక్ష్మి ఒంటరిగా దంపతుల నివాసానికి వెళ్లగా, ఆమె మొదట హత్యకు గురైంది. ఆ తర్వాత వచ్చిన సోమసుందర్, సుప్రియలపై దాడి జరిగింది.

మరికొన్ని నివేదికల ప్రకారం, శ్వేత, కెన్నెత్ కలిసి ఆమె అపార్ట్‌మెంట్‌కు వెళ్లినప్పుడు మొదట ఆమె తల్లిని, సోదరిని కత్తితో పొడిచారు. ఆ తర్వాత వచ్చిన సోమసుందర్ హత్యకు గురయ్యాడు. శ్వేత ఇంట్లో ముగ్గురూ కలిసి ఉన్నప్పుడు కత్తితో పొడిచారని మరో నివేదిక పేర్కొంది.

ఈ దారుణ హత్యల తర్వాత నిందితులను పట్టుకోవడానికి బెంగళూరు నగర పోలీసులు అనేక బృందాలను ఏర్పాటు చేశారు. శ్వేతను అరెస్టు చేసినప్పటికీ, కెన్నెత్‌ను పట్టుకోవడానికి తమిళనాడు ఇతర ప్రాంతాలలో గాలింపు ఇంకా కొనసాగుతోంది. కెన్నెత్‌ను అరెస్టు చేసిన తర్వాత హత్యలకు సంబంధించిన మరింత సమాచారం వస్తుందని పోలీసులు భావిస్తున్నారు.