‘భారత రత్న’ సీఎన్ఆర్ రావుకు నోటీసు ఇవ్వలేదు: ఎన్నికల సంఘం

కర్ణాటక లో ప్రస్తుతం కొనసాగుతున్న ఓటర్ సవరణ జాబితాలో ప్రముఖ శాస్త్రవేత్త, భారత రత్న సీఎన్ఆర్ రావుకు నోటీస్ అందించినట్లు వస్తున్న వార్తలను ఎన్నికల సంఘం ఖండించింది. ఆయన పేరు లో అదనంగా ఒక ‘ఎఫ్’ ఉండటమే దీనికి కారణమని వార్తలు వస్తున్న నేపథ్యంలో కర్ణాటక ఎన్నికల సంఘం స్పందించింది.

ఆ రాష్ట్ర ప్రధాన ఎన్నికల అధికారి ఒక ప్రకటనలో ఈ విషయాన్ని ధృవీకరించారు. ఇదే విషయంపై సీఎన్ఆర్ రావు కార్యాలయం కూడా స్పందించింది. తమకు ఎలాంటి నోటీసులు రాలేదని, ఎన్నికల సంఘం వెబ్ సైట్ లో నోటీస్ ఉండవచ్చని ఆ కార్యాలయ ప్రతినిధులు పేర్కొన్నారు.