పరందూర్ విమానాశ్రయ ప్రాజెక్ట్ రద్దు: సీఎం విజయ్

నిరుపేద కుటుంబాలకు ఉచిత వంటగ్యాస్, మహిళలు, ట్రాన్స్‌జెండర్ వ్యక్తులకు ఉచిత బస్సు ప్రయాణాలను కూడా ఆయన ప్రకటించారు. పౌరుల దైనందిన జీవితాన్ని సులభతరం చేయడానికి, రాష్ట్రవ్యాప్తంగా మౌలిక సదుపాయాలను మెరుగుపరచడానికి ఈ మూడు కీలక నిర్ణయాలు తీసుకున్నట్లు ఆయన వెల్లడించారు.

తమిళనాడు అసెంబ్లీలో విమానాశ్రయ ప్రాజెక్టు గురించి మాట్లాడిన సీఎం.. ప్రత్యామ్నాయ స్థలాలను గుర్తించామని, భూమిని కొనుగోలు చేసే ముందు అధికారులు త్వరలో ఈ ప్రదేశాలను సర్వే చేస్తారని విజయ్ తెలిపారు.

ఈ ప్రాజెక్టు ద్వారా సుమారు 1.30 లక్షల కుటుంబాలు లబ్ధి పొందుతాయని అంచనా. దీనికి ప్రభుత్వానికి దాదాపు ₹6,000 కోట్లు ఖర్చవుతుంది. అదే సమయంలో, ఎక్కువ మంది ప్రయాణికులు, విమానాలను నిర్వహించేందుకు ప్రస్తుత మీనమ్బాక్కం విమానాశ్రయాన్ని విస్తరించేందుకు చర్యలు తీసుకోనున్నారు.

తక్కువ ఆదాయ వర్గాలకు పెద్ద ఊరటనిస్తూ, విజయ్ అన్నపూర్ణి సూపర్ సిక్స్ పథకాన్ని ప్రారంభించారు. మొదటి దశలో.. అర్హులైన కుటుంబాలకు ప్రతి సంవత్సరం మూడు ఉచిత ఎల్‌పిజి సిలిండర్లు లభిస్తాయి. వార్షిక ఆదాయం ₹2.5 లక్షలు లేదా అంతకంటే తక్కువ ఉన్న కుటుంబాల బ్యాంకు ఖాతాల్లోకి ఈ సబ్సిడీ డబ్బు నేరుగా జమ అవుతుంది.

ఈ కార్యక్రమం కోసం ప్రభుత్వం ప్రతి సంవత్సరం ₹4,000 కోట్లు కేటాయించింది. తమిళగ వెట్రి కజగం (టీవీకే) తమ ఎన్నికల మేనిఫెస్టోలో ఆరు ఉచిత సిలిండర్లు ఇస్తామని హామీ ఇచ్చినప్పటికీ, గల్ఫ్‌లో కొనసాగుతున్న యుద్ధం మరియు గ్యాస్ ధరలలో తీవ్ర పెరుగుదల కారణంగా ప్రభుత్వం కేవలం మూడు సిలిండర్లను మాత్రమే ఉచితంగా ఇవ్వగలదని ముఖ్యమంత్రి వివరించారు.

మూడవ ప్రకటన వెట్రి పయనం పథకం, ఇది మహిళలు, ట్రాన్స్‌జెండర్ వ్యక్తులందరికీ ఉచిత బస్సు ప్రయాణాన్ని అందిస్తుంది. వారు ఎక్స్‌ప్రెస్, డీలక్స్, ఎల్‌ఎస్‌ఎస్ సర్వీసులతో సహా నగర బస్సులలో, అలాగే రాష్ట్రంలో ఎక్కడైనా మొఫుసిల్ బస్సులు, కొండ ప్రాంత బస్సులలో టిక్కెట్లు లేకుండా ప్రయాణించవచ్చు.

ఈ పథకానికి ప్రభుత్వానికి ప్రతి సంవత్సరం ₹6,000 కోట్లు ఖర్చవుతుంది. ఇది మహిళలు, ట్రాన్స్‌జెండర్ వ్యక్తులకు రోజువారీ ప్రయాణాన్ని సురక్షితంగా, సులభతరం చేస్తుందని భావిస్తున్నారు.

టీవీకే ఎన్నికల మేనిఫెస్టోలో, తమిళనాడులో ఎక్కడైనా, ఏ సమయంలోనైనా, ఏ బస్సులోనైనా మహిళలు ఉచితంగా ప్రయాణించవచ్చని వాగ్దానం చేశారు. అయితే, ఇప్పుడు ఉచిత ప్రయాణం కేవలం నగర, శివారు బస్సులకు మాత్రమే పరిమితం అని ప్రకటించారు.

అంతర్-జిల్లా రాష్ట్ర రవాణా బస్సులలో మహిళలు ఉచితంగా ప్రయాణించలేరు. పింక్ బస్ పథకం కింద నగర, శివారు సర్వీసులలోని బేసిక్ (వైట్-బోర్డ్) బస్సులలో మహిళలకు ఉచిత ప్రయాణాన్ని డీఎంకే ప్రభుత్వం ఇప్పటికే అనుమతించింది. నగర, శివారు నెట్‌వర్క్‌లోని అన్ని కేటగిరీల బస్సులలో మహిళలు ఉచితంగా ప్రయాణించవచ్చని టీవీకే ప్రభుత్వం ఇప్పుడు ప్రకటించింది.