టైగర్ ష్రాఫ్ పై కాల్పులు: ముగ్గురి అనుమానితుల అరెస్ట్

దాడి చేసినవారు శిక్షణ తీసుకున్న షూటర్లు అని, వారు దాడి చేయడానికి ముందే రెక్కీ నిర్వహించారని దర్యాప్తు సంస్థలు అనుమానం వ్యక్తం చేశాయి. ‘‘కోటా జిల్లా పోలీసులు వారిని రైలులో పట్టుకుంది’’ అని గౌతమ్ ప్రకటించారు. టైగర్ ఆదివారాల్లో జుహూ ఫుట్ బాల్ మైదానానికి వెళ్తాడని ఈ బృందం గుర్తించిందని, కారులో అక్కడికి వెళ్తుండగా దాడి చేశారు.

దాడి తరువాత విలే పార్లే, అంధేరీ మీదుగా ఎస్వీ రోడ్డు గుండా తప్పించుకునే మార్గాన్ని ముందుగా ప్లాన్ చేసుకున్నారు. దాడి తరువాత అంధేరి వెస్ట్ రైల్వే స్టేషన్ సమీపంలో తమ బైక్ లను వదిలి బోరివాలీ వైపు వెళ్లే రైలు ఎక్కినట్లు పోలీసులు గుర్తించారు. తరువాత దుండగులు గుజరాత్ కు వెళ్లారు.

ఆదివారం సాయంత్రం ముంబైలోని జుహు ప్రాంతంలో గుర్తు తెలియని దుండగులు టైగర్ ష్రాఫ్ కారుపై కాల్పులు జరిపారు. ఈ ఘటనలో అతను క్షేమంగా బయటపడ్డారు. డ్రైవర్, మరో వ్యక్తికి మాత్రం బుల్లెట్ గాయాలయ్యాయి.

ఈ కాల్పుల ఘటనను మహారాష్ట్రలో ఉన్న బీజేపీ ప్రభుత్వం సీరియస్ గా తీసుకుంది. కాల్పులు జరిపిన వారిని, దాని వెనకున్న వారిని ప్రభుత్వం పట్టుకుంటుందని, ఇలాంటి చర్యలను సహించేది లేదన్నారు. నిందితుల గుర్తింపును సంబంధించి పోలీసులకు కీలక ఆధారాలు లభించాయని, వారిని త్వరలోనే అరెస్ట్ చేస్తామని ఫడ్నవీస్ నాగ్ పూర్ లో విలేకరులతో అన్నారు. నిందితులు వేరే రాష్ట్రాలు, విదేశాల నుంచి కార్యకలాపాలు నిర్వహిస్తున్నారని, వారిని పట్టుకోవడానికి పోలీసులు ఇతర దర్యాప్తు సంస్థలతో సమన్వయం చేసుకుంటుందని కేంద్ర ఏజెన్సీల సాయం కోరతామని ప్రకటించారు.