మోదీతో కాళ్లు మొక్కించుకున్న ఆ వృద్ధుడు ఎవరూ?

ప్రధాని మోదీ మరోసారి ఓ బీజేపీ నేత కాళ్లకు నమస్కారం చేశారు. బెంగాల్ లో తొలిసారి బీజేపీ ప్రభుత్వం ఏర్పాటు అయ్యే సందర్భంలో ఈ సన్నివేశం చోటు చేసుకుంది. కోల్‌కతాలోని బ్రిగేడ్ పరేడ్ గ్రౌండ్స్‌లో సువేందు అధికారి బెంగాల్ ముఖ్యమంత్రిగా ప్రమాణ స్వీకారం చేయగా, ఐదుగురు మంత్రులు కూడా ప్రమాణ స్వీకారం చేశారు.

ఈ కార్యక్రమంలో, ప్రధానమంత్రి మోదీ సిలిగురి నివాసి అయిన 98 ఏళ్ల బీజేపీ సీనియర్ నాయకుడు మఖన్‌లాల్ సర్కార్‌ను అభినందించి, ఆలింగనం చేసుకున్నారు. అనంతరం, బీజేపీ నాయకులు, జనసమూహం కరతాళధ్వనుల మధ్య ఆయనతో మాట్లాడే ముందు మోదీ ఆయన పాదాలకు నమస్కరించి, మరోసారి ఆలింగనం చేసుకున్నారు.