సీటు దొరికితే ఉద్యోగం గ్యారెంటీ! సద్వినియోగం చేసుకుంటే ఉజ్వల భవిష్యత్

"మ‌ల్లేప‌ల్లి ఐటిఐలో శిక్ష‌ణ పొందితే ఉద్యోగం గ్యారెంటీ. ఎందుకంటే ఇక్క‌డ ఫుల్ టైం ప్లేస్‌మెంట్ సెల్ ఉంది. 200కు పైగా పెద్ద కంపెనీల‌తో ఒప్పందం వుంది. ఆ కంపెనీల‌కు కావాల్సిన మ్యాన్‌ప‌వ‌ర్‌ను మ‌ల్లేప‌ల్లి ఐటిఐ అందిస్తోంది. ప్రతి సంవత్సరం క్రమం తప్పకుండా క్యాంపస్ ఇంటర్వ్యూలు జ‌రుగుతూనే ఉంటాయి. ఈ ఐటిఐ 52 యూనిట్లలో 32 కోర్సుల్లో వృత్తి శిక్షణను అందిస్తోంది. 1250 మంది శిక్షణ పొంద‌డానికి అవ‌కాశం ఉంది. ఇప్పటి వరకు ఈ ఐటిఐ నుండి సుమారు ల‌క్ష‌కు పైగా శిక్ష‌ణ పొందార‌ని," ప్రిన్సిప‌ల్ శైల‌జా ఫెడ‌ర‌ల్ తెలంగాణాతో తెలిపారు. 22.09 ఎకరాల సువిశాల స్థ‌లంలో 1954 సంవత్సరంలో మల్లేపల్లి ఐటిఐ (ప్రభుత్వ పారిశ్రామిక శిక్షణా సంస్థ) ప్రారంభం అయింది.