వీడీ సతీశన్
వీడీ సతీషన్ కు కేరళ సీఎం పదవి ఎలా చేజిక్కింది?
ముందున్న సవాళ్లు ఏంటంటే?
అనేక సార్లు విడీ సతీసన్ కు తరుచుగా అధికారం చేజిక్కించినట్లు చిక్కి, చేజారిపోయింది. పలుసార్లు సంస్థాగత పదవులను కోల్పోయారు. తను మొదటి సారి పోటీ చేసిన ఎన్నికలలో ఓటమి చవిచూశారు. అనేకసార్లు మంత్రి పదవులు అందినట్లే అంది చేజారాయి. ఇప్పుడు, కాంగ్రెస్ నేతృత్వంలోని యూడీఎఫ్ను ఆయన ఘన విజయం దిశగా నడిపి రాష్ట్రానికి 13వ ముఖ్యమంత్రిగా కాబోతున్నారు. కేరళ రాజకీయాల్లో అత్యున్నత పదవికి చేరడానికి ముందు, ఆయన రాజకీయ ప్రస్థానం అనేక పోరాటాలతో ముడిపడి ఉంది.
తొలి రోజులు..
సతీసన్ 1964లో ఎర్నాకులం జిల్లాలోని నెట్టూర్లో జన్మించారు. ఆయన విద్యార్థి ఉద్యమాల ద్వారా రాజకీయాల్లోకి ప్రవేశించి, ఆ తర్వాత యూత్ కాంగ్రెస్లో అంచెలంచెలుగా ఎదిగారు. 1996లో జరిగిన ఆయన తొలి అసెంబ్లీ ఎన్నికల్లో ఓటమి చవిచూశారు.
కానీ 2001లో పారావూర్ అసెంబ్లీ నియోజకవర్గం నుంచి గెలిచి బలంగా పునరాగమనం చేశారు. సంవత్సరాలు గడిచేకొద్దీ, సతీసన్ కేరళ అసెంబ్లీలో అత్యంత తీక్షణమైన వక్తలలో ఒకరిగా పేరు సంపాదించారు. పరిపాలన, విధానాలు, ప్రజా సమస్యలపై దృష్టి సారించే నాయకుడిగా తనను తాను మలుచుకున్నారు.
పినరాయి విజయన్ మొదటి టర్మ్లో, సతీసన్ కాంగ్రెస్ నేతృత్వంలోని ప్రతిపక్షంలో ప్రముఖ నాయకులలో ఒకరిగా ఎదిగారు. ఆ తర్వాత, ప్రతిపక్ష నాయకుడిగా, వామపక్ష ప్రభుత్వాన్ని లక్ష్యంగా చేసుకుంటూ ఆయన రాజకీయ శైలి మరింత దూకుడుగా, ఘర్షణపూరితంగా మారింది.
సతీసన్ ఎదుగుదలకు కాంగ్రెస్ పార్టీకి ఆవల లభించిన మద్దతే బలాన్నిచ్చింది. ఎన్నికలకు ముందు ఆయన పౌర సమాజ సమూహాలను, కార్యకర్తలను సంప్రదించారు. ఈ వ్యూహం ఆయనకు అనుకూలించింది.
నాయకత్వ పోరాటం
ఒకప్పుడు వామపక్షాలతో కలిసి ఉన్నవారు కూడా క్రమంగా సతీసన్కు మద్దతుగా నిలవడం ఆయన సాధించిన అద్భుతమైన విజయాలలో ఒకటి. ఇది కేరళలో వామపక్ష వ్యతిరేక భావజాలానికి ఆయన ఒక పెద్ద రాజకీయ నాయకుడిగా ఎదగడానికి దోహదపడింది.
కాంగ్రెస్లో రమేష్ చెన్నితాల, కేసీ వేణుగోపాల్ వంటి సీనియర్ నాయకులు కూడా ముఖ్యమంత్రి పదవికి పోటీదారులుగా కనిపించారు. అయినప్పటికీ, సతీసన్కు బలమైన ప్రజాదరణ, గుర్తింపు, ఇంకా ఇండియన్ యూనియన్ ముస్లిం లీగ్ వంటి కీలక యూడీఎఫ్ మిత్రపక్షాల మద్దతు లభించింది. దశాబ్దాల పట్టుదల తర్వాత, సతీసన్ చివరకు కేరళ అత్యున్నత రాజకీయ పదవిని అధిరోహించారు.
పెద్ద సవాలు..
ఈ ఎన్నికల విజయం ఒక ప్రధాన రాజకీయ మైలురాయి అయినప్పటికీ, అసలైన పెద్ద సవాలు ఇప్పుడు మొదలవుతుంది. అధికారాన్ని గెలుచుకోవడం ఒక విషయం అయితే, కేరళను పాలించడం అంతకంటే చాలా కఠినమైనది. పరిపాలనా సవాళ్లను ఎదుర్కోవడం, యూడీఎఫ్ కూటమిలోని అంతర్గత కలహాలను చక్కదిద్దడం రాబోయే సంవత్సరాల్లో సతీసన్కు కీలక పరీక్షలుగా మారవచ్చు. ఈ విషయంలో విడి సతీసన్ విజేతగా నిలుస్తారా? లేదా చూడాలి
Next Story