మరో వివాదంలో రాజస్థాన్ రాయల్స్

మంగళవారం రాత్రి పంజాబ్ కింగ్స్‌తో జరిగిన మ్యాచ్ ప్రత్యక్ష ప్రసారం సందర్భంగా డ్రెస్సింగ్ రూమ్‌లో ఇ-సిగరెట్ పీలుస్తూ (దీనినే వేపింగ్ అని కూడా అంటారు) కనిపించాడు. కెమెరాలో రికార్డ్ అయిన ఈ చర్య సోషల్ మీడియాలో తక్షణమే వైరల్ గా మారింది. పంజాబ్ తో జరిగిన ఈ మ్యాచ్ లో ఆర్ఆర్ విజయవంతంగా 223 పరుగులను ఛేదించింది. రియాన్ పరాగ్ 16 బంతుల్లో 29 పరుగులు చేశాడు. పరాగ్ చర్యపై ఐపీఎల్ అధికారులతో పాటు బీసీసీఐ అధికారులు కూడా ఆగ్రహం వ్యక్తం చేసినట్లు సమాచారం.

సోషల్ మీడియా, టీవీ కెమెరాల యుగంలో ఒక నిర్లక్ష్యపు చర్యగా అభివర్ణించారు. "చాలా మంది ఆటగాళ్లు ఈ-సిగరెట్లు తాగుతారు. కానీ వారు డ్రెస్సింగ్ రూమ్‌లో అలా చేయరు. చుట్టూ ఇన్ని కెమెరాలు ఉన్నప్పుడు అలా చేయడం చాలా ప్రమాదకరం. అజాగ్రత్త. పరాగ్ ఇంత బహిరంగంగా వేపింగ్ చేస్తూ పట్టుబడటంతో, బీసీసీఐ చర్య తీసుకోవలసి రావచ్చు" అని ఐపీఎల్‌కు చెందిన ఒక విశ్వసనీయ వర్గం తెలిపింది.

దీనిపై వ్యాఖ్యానించడానికి రాజస్థాన్ రాయల్స్ జట్టు అధికారి ఎవరూ అందుబాటులో లేరు. ఈ సీజన్ లో రాజస్థాన్ రాయల్స్ వరుస వివాదాల్లో చిక్కుకుంటోంది. ఈ నెల ప్రారంభంలో డగౌట్‌లో తన ఫోన్‌ను మేనేజర్ రోమీ బిందర్ ఉపయోగిస్తున్నట్లు తెలియడంతో లక్ష రూపాయల జరిమానా విధించారు. ఐపీఎల్ 2026కు ముందు ముంబైలో జరిగిన కెప్టెన్ల సమావేశంలో డ్రెస్సింగ్ రూమ్‌లో ఆటగాళ్ల గోప్యత అంశాన్ని లేవనెత్తినట్లు మరో ఐపీఎల్ వర్గం పీటీఐకి తెలిపింది.

ప్రత్యక్ష ప్రసారం సమయంలో కెమెరాలు డ్రెస్సింగ్ రూమ్ వైపు తిరగడంపై కొంతమంది కెప్టెన్లు అభ్యంతరం వ్యక్తం చేశారు. ఇది ప్రత్యేకంగా డ్రెస్సింగ్ రూమ్‌లో ఈ-సిగరెట్ల వాడకానికి సంబంధించింది కాదు. ఇది ప్రధానంగా ఆటగాళ్ల గోప్యతకు సంబంధించిన విషయం. కొన్నిసార్లు ఆటగాళ్లు డ్రెస్సింగ్ రూమ్‌లో పూర్తి దుస్తులు ధరించి ఉండరు లేదా కెమెరాలను తప్పించుకోవాలనుకోవచ్చు. డ్రెస్సింగ్ రూమ్ నుంచి వచ్చే ఫీడ్‌ను కెమెరాలు చూపించడంపై నిర్ణయం తీసుకోవాల్సింది బ్రాడ్‌కాస్టర్‌దే కానీ బీసీసీఐ కాదు అని వారికి చెప్పారు. పరాగ్ సంఘటన తరువాత దీనిని సమీక్షించే అవకాశం ఉంది.

అయితే పరాగ్ పై మాత్రం కఠిన చర్యలు తీసుకునే అవకాశం ఉంది. ఈ- సిగరెట్ తాగడం నేరం. ప్రజలకు ఆదర్శవంతంగా కనిపించే క్రీడాకారులు ఇలా బహిరంగంగా సిగరెట్ తాగినట్లు కనిపించడం మంచి పద్దతి కాదని ఉన్నత స్థాయి క్రీడా వర్గాలు అభిప్రాయపడుతున్నాయి. ఎలక్ట్రానిక్ సిగరెట్ల నిషేధ చట్టం (PECA) 2019 ప్రకారం, "ఏ వ్యక్తి కూడా, ప్రత్యక్షంగా లేదా పరోక్షంగా, (i) ఎలక్ట్రానిక్ సిగరెట్లను, పూర్తి ఉత్పత్తిగా గానీ లేదా దానిలోని ఏదైనా భాగంగా గానీ, ఉత్పత్తి చేయడం, తయారు చేయడం, దిగుమతి చేయడం, ఎగుమతి చేయడం, రవాణా చేయడం, అమ్మడం లేదా పంపిణీ చేయడం చేయరాదు.