తమిళ తీరాన్ని తాకిన ‘దళపతి’ సునామీ

‘జననాయకుడిగా’ విజయ్..

తమిళనాడు అసెంబ్లీ ఎన్నికలలో సంచలన ఫలితాలు వస్తున్నాయి. కొత్తగా పార్టీ పెట్టిన విజయ్ పార్టీ టీవీకే సంచలన ఫలితాల దిశగా దూసుకుపోతోంది. ప్రస్తుతం వెలువడుతున్న పోల్ ప్రకారం ఆ పార్టీకి 108 స్థానాలలో ఆధిక్యంలో ఉంది. ప్రభుత్వం ఏర్పాటు కావాలంటే ఆ పార్టీకి 118 స్థానాలు అవసరం.

మరోవైపు డీఎంకే పార్టీ శ్రేణులన్నీ డీలా పడిపోయాయి. ఆ పార్టీ మూడో స్థానంతో సరిపెట్టుకుంది. దీంతో డీఎంకే పార్టీ కార్యాలయమైన అన్నా అరివాలయంలో వేసిన టెంట్లను తీసివేశారు.

ప్రస్తుతం టీవీకే పార్టీ కార్యాలయం చుట్టూ పోలీసులు భద్రతను కట్టుదిట్టం చేశారు. ఎన్నికల సంఘం వెబ్ సైట్ ప్రకారం 97 స్థానాలలో టీవీకే ఆధిక్యంలో ఉంది. ఆ పార్టీకి అన్నాడీఎంకే పార్టీ బలమైన పోటీ ఇస్తోంది. డీఎంకే కు చెందిన అగ్రనాయకులు వెనకబడి ఉన్నారు. రాష్ట్రవ్యాప్తంగా ఉన్న 62 కౌంటింగ్ కేంద్రాల నుంచి ఫలితాలు వెలువడుతున్నాయి. శాంతి భద్రతల కోసం భారీ సంఖ్యలో పోలీసులను మోహరించారు. 

బెంగాల్ ట్రెండ్స్‌పై సువేందు అధికారి వ్యాఖ్యలు

పశ్చిమ బెంగాల్‌లో ప్రారంభ ఓట్ల లెక్కింపు ధోరణులపై ప్రతిపక్ష నేత, బీజేపీ అభ్యర్థి సువేందు అధికారి స్పందించారు. ఆయన మాట్లాడుతూ, హిందువులందరూ ప్రధాని నరేంద్ర మోదీకి మద్దతుగా ఏకమయ్యారని పేర్కొన్నారు. నాలుగు రౌండ్ల లెక్కింపు తర్వాత బీజేపీ ప్రభుత్వాన్ని ఏర్పాటు చేసే దిశగా ఉందని అన్నారు. అలాగే, కొన్ని ప్రాంతాల్లో ఓటింగ్ ధోరణులపై వ్యాఖ్యానిస్తూ, హిందూ ఓట్లు ఎక్కువగా బీజేపీకి, ముస్లిం ఓట్లు ఎక్కువగా టీఎంసీకి వెళ్లాయని అభిప్రాయపడ్డారు. అయితే మాల్డా, ముర్షిదాబాద్, నార్త్ డినాజ్‌పూర్ ప్రాంతాల్లో ప్రజలు కాంగ్రెస్‌కు మద్దతు ఇచ్చారని ఆయన తెలిపారు.

#WATCH | Kolkata: On the early trends, West Bengal LoP and BJP candidate from Nandigram and Bhabanipur, Suvendu Adhikari, says, "All Hindus are united in favour of Narendra Modi... After four rounds of counting, the BJP is forming its government. Hindu EVMs mean BJP, Muslim EVMs… pic.twitter.com/jw1gzs7qzP

— ANI (@ANI) May 4, 2026

తమిళనాడులో టీవీకే, బెంగాల్ లో బీజేపీ, కేరళ లో కాంగ్రెస్..

తమిళనాడు ఎన్నికలలో టీవీకే పార్టీ ప్రభంజనం సృష్టించింది. ఎగ్జిట్ పోల్ అంచనాలను తలకిందులు చేస్తూ విజయ్ దూసుకుపోతున్నారు. ఆ పార్టీ ఇప్పటికే వందకు పైగా స్థానాలో ఆధిక్యంలో దూసుకుపోతోంది. అధికార డీఎంకే కేవలం 56 స్థానాలలో మాత్రమే ఆధిక్యంలో ఉంది. అన్నాడీఎంకే పార్టీ 75 స్థానాలలో దూసుకుపోతోంది.

తమిళనాడు

టీవీకే- 106

ఏఐఏడీఎంకే- 75

డీఎంకే- 50

పశ్చిమ బెంగాల్

బీజేపీ- 182

టీఎంసీ- 106

కేరళ

యూడీఎఫ్- 85

ఎల్డీఎఫ్- 42

బీజేపీ- 1

అస్సాం

బీజేపీ- 97

కాంగ్రెస్- 26

ఏఐయూడీఎఫ్- 2

పుదుచ్చేరి

ఎన్ఆర్సీ- 16

కాంగ్రెస్- 4

పుదుచ్చేరి ఫలితాలు: రంగసామి, AINRC ముందంజ

పుదుచ్చేరి అసెంబ్లీ ఎన్నికల ఓట్ల లెక్కింపులో ఆల్ ఇండియా ఎన్.ఆర్. కాంగ్రెస్ (AINRC) నేత ఎన్. రంగసామి సహా ఆయన పార్టీ అభ్యర్థులు పలు నియోజకవర్గాల్లో ఆధిక్యంలో ఉన్నారు. ఎన్నికల సంఘం సమాచారం ప్రకారం, రెండు నియోజకవర్గాల్లో పోటీ చేసిన రంగసామి, తట్టంచావడి సీటులో 3,591 ఓట్ల మెజారిటీతో ముందంజలో ఉన్నారు.

ఇతర AINRC అభ్యర్థులు ఆర్. రవికుమార్, వైయాపురి మణికందన్, సి. అయ్యప్పన్, ఈ. మోహందాస్, పి. రాజవేలు, పి.ఆర్.ఎన్. తిరుమురుగన్ వరుసగా విల్లియనూర్, ముతియల్పేట్, ఆర్యంకుప్పం, ఎన్బలం, నెట్టపాక్కం, కారైకాల్ నార్త్ నియోజకవర్గాల్లో ఆధిక్యంలో కొనసాగుతున్నారు. బీజేపీ అభ్యర్థులు ఏ. నమస్సివాయం, టీ.కే.ఎస్. మీనాచ్చిసుందరం కూడా మన్నడిపేట్, నెరావి టి.ఆర్. పట్టినం సీట్లలో ముందంజలో ఉన్నారు.

గుజరాత్ బైపోల్: ఉంరేత్‌లో హర్షద్ పార్మర్ ముందంజ

గుజరాత్ ఉంరేత్ అసెంబ్లీ బైఎన్నికలో బీజేపీ అభ్యర్థి హర్షద్భాయి పార్మర్ బలమైన ఆధిక్యం సాధించారు. కాంగ్రెస్ ప్రత్యర్థి భృగురాజ్‌సింహ్ చౌహాన్‌పై ఆయన ముందంజలో కొనసాగుతున్నారని తాజా లెక్కింపు ధోరణులు వెల్లడించాయి. అనంద్ జిల్లాలోని వలభ్ విద్యానగర్‌లోని బీజేవీఎం కాలేజీలో కట్టుదిట్టమైన భద్రత మధ్య ఓట్ల లెక్కింపు జరిగింది. తొమ్మిదో రౌండ్ వరకు హర్షద్ పార్మర్ 33,745 ఓట్లు సాధించగా, చౌహాన్‌కు 23,310 ఓట్లు వచ్చాయి.

ముగ్గురు స్వతంత్రులు, ఒక చిన్న పార్టీ అభ్యర్థి సహా మిగతా నలుగురు అభ్యర్థులు చాలా వెనుకంజలో ఉన్నారు. బీజేపీ ఎమ్మెల్యే గోవింద్ పార్మర్ మృతి కారణంగా ఈ బైఎన్నిక జరిగింది. ఆయన కుమారుడైన హర్షద్ పార్మర్‌ను బీజేపీ బరిలోకి దించింది. ఇది ఆయన తొలి పెద్ద ఎన్నిక. ఏప్రిల్ 23న జరిగిన పోలింగ్‌లో 306 బూత్‌లలో 59.04 శాతం ఓటింగ్ నమోదైంది.

భవానీపూర్‌లో దీదీ వెనుకంజ

భవానీపూర్‌లో పశ్చిమబెంగాల్ ముఖ్యమంత్రి మమతా బెనర్జీ వెనకంజలో ఉన్నారు. బీజేపీ నేత సువేంధు అధికారి 1558 ఓట్ల ఆధిక్యంతో దూసుకెళ్తున్నారు. 

ధర్మదంలో సీఎం పినరయి విజయన్ వెనుకంజ

కేరళ ముఖ్యమంత్రి పినరయి విజయన్ ధర్మదం నియోజకవర్గంలో వెనుకంజలో ఉన్నారు. ఎన్నికల సంఘం ధోరణుల ప్రకారం, కాంగ్రెస్ అభ్యర్థి వి.పీ. అబ్దుల్ రషీద్ ఆయనపై 2,812 ఓట్లకు పైగా ఆధిక్యంలో కొనసాగుతున్నారు. ఇదే సమయంలో కాంగ్రెస్ నేతృత్వంలోని యూడీఎఫ్ రాష్ట్రంలో 71 సీట్ల మెజారిటీ మార్క్‌ను దాటి ఆధిక్యంలో నిలిచింది.

కేరళలో యూడీఎఫ్ మెజారిటీ దాటింది

తాజా ఎన్నికల సంఘం ధోరణుల ప్రకారం, కాంగ్రెస్ నేతృత్వంలోని యూడీఎఫ్ కేరళలో మెజారిటీ మార్క్ దాటింది. 140 స్థానాల అసెంబ్లీలో అవసరమైన 71 సీట్లను అధిగమించి, ప్రస్తుతం 71కి పైగా స్థానాల్లో ఆధిక్యంలో కొనసాగుతోంది.

స్పష్టమైన మెజారిటీతో మాదే సర్కార్: టీవీకే

తమిళనాడులో టీవీకే భారీ మెజారిటీతో స్వతంత్రంగా ప్రభుత్వాన్ని ఏర్పాటు చేయడం ఖాయమని ఆ పార్టీ జాతీయ ప్రతినిధి ఫెలిక్స్ జెరాల్డ్ ధీమా వ్యక్తం చేశారు. ఓట్ల లెక్కింపులో టీవీకే గణనీయ ఆధిక్యం సాధిస్తున్న నేపథ్యంలో ఆయన ఈ వ్యాఖ్యలు చేశారు. దీర్ఘకాలంగా ఉన్న పార్టీలపై ప్రజల్లో అసంతృప్తి పెరగడంతో టీవీకేకు మద్దతు లభించిందని చెప్పారు. “50-75 ఏళ్ల అనుభవం ఉన్నా, అది రాష్ట్రాన్ని దోచుకునే అనుభవమే” అని విమర్శించారు. ప్రచార సమయంలో పార్టీ చీఫ్ విజయ్ మీడియాతో తక్కువగా మాట్లాడటంపై స్పందిస్తూ, ప్రజలతో నేరుగా కలవడానికే ఆయన ప్రాధాన్యం ఇస్తారని తెలిపారు. బయటి మద్దతు అవసరం లేకుండానే టీవీకే ప్రభుత్వం ఏర్పాటు చేస్తుందని ఫెలిక్స్ జెరాల్డ్ స్పష్టం చేశారు.

తమిళనాడులో TVK సెంచరీ

తమిళనాడు:

TVK – 100

AIADMK+ – 74

DMK+ – 54

పశ్చిమ బెంగాల్:

BJP+ – 172

TMC+ – 112

కేరళ:

UDF – 82

LDF – 45

BJP+ – 3

అస్సాం:

BJP+ – 97

Congress – 23

AIUDF+ – 2

పుదుచ్చేరి:

NRC+ – 16

TVK+ – 4